Qoǧamnyŋ tūraqty damuy men azamattardyŋ qauıpsız ömır süruı eŋ aldymen zaŋ üstemdıgıne, tärtıp pen jauapkerşılıkke tıkelei bailanysty. Qūqyqtyq mädenietı joǧary, sanaly ärı belsendı jas ūrpaq - ädılettı qoǧamnyŋ negızgı tıregı. Osy maqsatta «Zaŋ men tärtıp» ideologemasy aiasynda Jetısu oblysynda «Legal Talk: aşyq mikrofon» formatyndaǧy jastar forumy ötkızıldı.
Atalǧan forum jastar men memlekettık organdar arasyndaǧy aşyq dialogty nyǧaituǧa, qūqyqtyq sauattylyqty arttyruǧa jäne qoǧamdaǧy özektı qūqyqtyq mäselelerdı bırlese talqylauǧa baǧyttalǧan maŋyzdy alaŋǧa ainaldy.
Forum aşyq mikrofon formaty boldy. Būl format qatysuşylarǧa öz oilaryn erkın bıldıruge, kökeiınde jürgen sūraqtaryn tıkelei sala mamandaryna qoiuǧa jäne naqty, tüsınıktı jauap aluǧa mümkındık berdı. Is-şara barysynda zaŋ men tärtıp, qoǧamdyq qauıpsızdık, jastardyŋ qūqyqtary men mındetterı, internet keŋıstıgındegı qauıpter, qūqyq būzuşylyqtardyŋ aldyn alu taqyryptary keŋınen qozǧaldy.
Forumǧa spiker retınde Jetısu oblysy äkımınıŋ orynbasary Esdäuletov Dias Rahmetūly, Jetısu oblysynyŋ prokurory Jūmaqanov Bauyrjan Albertūly, Jetısu oblysynyŋ Ekonomikalyq tergep-tekseru departamentınıŋ basşysy Tiumeliev Erkın Amangeldıūly, Jetısu oblysy Polisiia departamentı bastyǧynyŋ orynbasary Baikenov Jasūlan Qūdaibergenūly qatysty.
Sala mamandary jastarmen aşyq pıkır almasyp, öz täjıribelerımen bölısıp, qūqyqtyq mädeniettı qalyptastyrudaǧy özektı baǧyttarǧa toqtaldy.
Is-şara barysynda interaktivtı oiyn ūiymdastyrylyp, 1-oryn ielengen qatysuşyǧa alǧys hat pen syilyq tabystaldy. Qatysuşylardyŋ belsendılıgı men qyzyǧuşylyǧyn arttyruǧa erekşe köŋıl bölındı. Būl jastardyŋ qūqyqtyq taqyryptarǧa degen közqarasyn jeŋıl ärı tüsınıktı formatta qalyptastyruǧa yqpal ettı.
Atalǧan forum jūmysyna 200-ge juyq jas tartyldy. Forum jastardyŋ azamattyq ūstanymyn nyǧaituǧa, zaŋǧa qūrmetpen qarauǧa tärbieleuge jäne qoǧamdyq tärtıptı küşeituge baǧyttalǧan jüielı jūmystyŋ maŋyzdy bölıgı boldy. Būl - tek pıkır almasu alaŋy ǧana emes, jauapkerşılıgı joǧary, sanaly qoǧam qalyptastyru jolyndaǧy naqty qadam.
I. Jansügırov atyndaǧy Jetısu universitetınıŋ studentı Aqerke Esqaraevanyŋ aituynşa, ıs-şara öte qyzyqty ärı mazmūndy öttı.
- Qūqyq qorǧau organdarynyŋ basşylary men oblys äkımı orynbasarynyŋ jastarmen kezdesuge arnaiy keluı erekşe äser qaldyrdy. Olar qoiylǧan sūraqtarǧa aşyq türde jauap berıp, kürdelı taqyryptardan qaşqan joq. Mūndai format zaŋ men tärtıptıŋ ıs jüzınde qalai jūmys ısteitının tereŋırek tüsınuge mümkındık beredı. Äsırese dropperlık taqyryptyŋ talqylanuy este qaldy, sebebı būl qazırgı jastar üşın özektı mäsele. Köp jaǧdaida onyŋ saldaryna män berılmei jatady, sondyqtan mūndai tüsındıru jūmystary öte maŋyzdy. Osyndai jastarmen aşyq kezdesuler aldaǧy uaqytta da jiı ūiymdastyrylsa degen oiymyz bar, - dedı ol.
