QR Mádenıet jáne aqparat mınıstrliginiń qoldaýymen QR Ulttyq akademııalyq kitaphanasynyń uıymdastyrýymen 15 qyrkúıek kúni, saǵ. 12.00 - 22.00 aralyǵynda «KitapTime – 2023» II jalpy respýblıkalyq kitap festıvali ótedi.
Festıvaldiń maqsaty – kitap oqýdy keńinen nasıhattaý, ıntellektýaldy jastardy yntalandyrý, mádenı qundylyqtarymyzdy halyqqa jetkizý.
Festıval aıasynda kúndizgi ýaqytta túrli baspalardyń qatysýymen kórme-jármeńke, «Art-vision» qolóner sheberleri men sýretshilerdiń pavılony, bookcrossing, photo zone, balalar shyǵarmashylyǵyna arnalǵan alańda ertegiler qoıylymy, sheberlik saǵattary, ınteraktıvti, ulttyq oıyndar, balalar ádebıetiniń keıipkerler sherýi, fleshmob ótedi.
Keshkilik festıvalǵa jınalǵandar «Reader» - juldyzdardyń qatysýymen kitaphanaǵa jazylý akııasyna, «Kitaphanalyq tún» mádenı sharasyna qatysady. «Kitaphanalyq tún» baǵdarlamasynda bıznes-koýchıng, «Musikal party» klassıkalyq mýzyka keshi, «Quiz» ıntellektýaldyq alańy, poezııa keshi, Astananyń túngi aspanyn teleskoppen tamashalaý, túngi karaoke, ANTIKAFE «Book & Soffee» syndy túrli qyzyqty mádenı, rýhanı sharalar uıymdastyrylady.
Festıvalǵa qoǵam jáne memleket qaıratkerleri, zııaly qaýym ókilderi, elimizge tanymal óner juldyzdary, jas qalamgerler, blogerler, BAQ-ókilderi, ustazdar, balalar, kitaphanashylar jáne oqyrmandar men Elorda qonaqtary qatysady dep kútilýde.
Qazaqstan Respýblıkasynyń Ulttyq akademııalyq kitaphanasy
Baılanys aqparattary:
Astana qalasy, Dostyq kóshesi, 11.
e-mail: uak_2022@mail.ru
tel: 87027639151
"Adyrna" ulttyq portaly
