Qasym-Jomart Toqaev Täjıkstan prezidentıne qūttyqtau jedelhatyn joldady. Memleket basşysy Qasym-Jomart Toqaev prezident Emomali Rahmondy jäne täjık halqyn ūlttyq merekesı – Täuelsızdık künımen qūttyqtady, dep habarlaidy "Adyrna" ūlttyq portaly "Aqordaǧa" sılteme körsete otyryp.
– Qazaqstan men Täjıkstan arasyndaǧy joǧary qarqynmen damyp kele jatqan yntymaqtastyq jaŋa män-mazmūnǧa ie boldy jäne bailanystarymyz strategiialyq serıktestık pen odaqtastyq deŋgeiıne tolyq sai keledı, – dep jazylǧan jedelhatta.Sonymen qatar, memleket basşysy bırlesken küş-jıgerdıŋ nätijesınde Qazaqstan men Täjıkstannyŋ köpjaqty qarym-qatynasy aldaǧy uaqytta ekı eldıŋ igılıgı men müddesı üşın nyǧaia beretınıne senım bıldırdı. Emomali Rahmonnyŋ jauapty memlekettık qyzmetıne tabys, al bauyrlas Täjıkstan halqyna baq-bereke tıledı. Esterıŋızge sala keteiık, būǧan deiın Qasym-Jomart Toqaevtyŋ şaqyruymen 2023 jyly 25-26 tamyzda Täjıkstan Prezidentı Emomali Rahmonnyŋ Astanaǧa jūmys saparymen arnaiy keldı. Toqaev Astana äuejaiynda Rahmondy qarsy aldy. Emomali Rahmon Qazaqstan Prezidentıne qonaqjailylyǧy üşın rizaşylyǧyn bıldırdı. Qos eldıŋ prezidentterı aldymen şaǧyn qūramda, odan keiın keŋeitılgen qūramda kelıssözder jürgızdı. 26 tamyzda Qasym-Jomart Toqaev pen Emomali Rahmon 2022 jyly salynǧan Astananyŋ Bas meşıtıne bas sūqty. Sonymen qatar, qazaqstandyqtardyŋ erekşe "yqylasy auǧan" tauarlar körmesın aşyp, Täjıkstan önımderın tamaşalaǧan edı.
"Adyrna" ūlttyq portaly
Ūqsas jaŋalyqtar
