Qasym-Jomart Toqaev Tájikstan prezıdentine quttyqtaý jedelhatyn joldady. Memleket basshysy Qasym-Jomart Toqaev prezıdent Emomalı Rahmondy jáne tájik halqyn ulttyq merekesi – Táýelsizdik kúnimen quttyqtady, dep habarlaıdy "Adyrna" ulttyq portaly "Aqordaǵa" silteme kórsete otyryp.
– Qazaqstan men Tájikstan arasyndaǵy joǵary qarqynmen damyp kele jatqan yntymaqtastyq jańa mán-mazmunǵa ıe boldy jáne baılanystarymyz strategııalyq seriktestik pen odaqtastyq deńgeıine tolyq saı keledi, – dep jazylǵan jedelhatta.
Sonymen qatar, memleket basshysy birlesken kúsh-jigerdiń nátıjesinde Qazaqstan men Tájikstannyń kópjaqty qarym-qatynasy aldaǵy ýaqytta eki eldiń ıgiligi men múddesi úshin nyǵaıa beretinine senim bildirdi. Emomalı Rahmonnyń jaýapty memlekettik qyzmetine tabys, al baýyrlas Tájikstan halqyna baq-bereke tiledi.
Esterińizge sala keteıik, buǵan deıin Qasym-Jomart Toqaevtyń shaqyrýymen 2023 jyly 25-26 tamyzda Tájikstan Prezıdenti Emomalı Rahmonnyń Astanaǵa jumys saparymen arnaıy keldi. Toqaev Astana áýejaıynda Rahmondy qarsy aldy. Emomalı Rahmon Qazaqstan Prezıdentine qonaqjaılylyǵy úshin rızashylyǵyn bildirdi. Qos eldiń prezıdentteri aldymen shaǵyn quramda, odan keıin keńeıtilgen quramda kelissózder júrgizdi.
26 tamyzda Qasym-Jomart Toqaev pen Emomalı Rahmon 2022 jyly salynǵan Astananyń Bas meshitine bas suqty. Sonymen qatar, qazaqstandyqtardyń erekshe "yqylasy aýǵan" taýarlar kórmesin ashyp, Tájikstan ónimderin tamashalaǵan edi.
"Adyrna" ulttyq portaly
