Aqmola oblysy Atbasar qalasyndaǧy koloniiada otyrǧan azamattyq belsendı Timur Dänebaevty azaptap, videosyn jelıge taratqan koloniianyŋ būrynǧy qyzmetkerlerı Toqaevtan kömek sūrap, video joldady.
6 qyrküiekte Qazaqstan qylmystyq-atqaru jüiesı komitetı (QAJK) Timur Dänebaevty azaptau oqiǧasyna qatysty 11 qyzmetkerdı jūmysynan bosatqanyn habarlady.
"Jürgızılgen qyzmettık tergeu nätijelerı boiynşa tärtıp komissiiasynyŋ şeşımımen oblystyq qylmystyq-atqaru jüiesı departamentınıŋ bastyǧy jäne onyŋ orynbasary, sondai-aq koloniia bastyǧy atqaratyn lauazymdarynan şettetuge ūsynyldy. Sonymen qatar, qūqyq būzuşylyqqa qatysy bar 11 qyzmetker ışkı ıster organdarynan terıs sebeptermen jūmystan şyǧaruǧa ūsynyldy" dep jazylǧan habarlamada.
Degenmen, qyzmetınen bosaǧandar Toqaevtan kömek sūrauda.
Aita keteiık, 3 qyrküiekte Aqmola oblysyndaǧy Atbasarda koloniia qyzmetkerlerı äjethana juudan bas tartqan belsendı Timur Dänebaevty ūryp-soǧyp, qinaǧan videosy tarady. Videoda koloniia qyzmetkerı küş qoldanuǧa arnaiy qūral qoldanuǧa būiryq beredı. Onda Dänebaevty jerge jatqyzyp, qol-aiaǧyn ūstap, dubinkamen ūrǧany körınedı.
Eske salaiyq, 38 jastaǧy Timur Dänebaev 2022 jyly Qazaqstan prezidentı Qasym-Jomart Toqaevty Qaŋtar oqiǧasy kezınde "elımızge 20 myŋ terrorist şabuyl jasady" degen sözı üşın jauapqa tartuǧa talpynǧan azamattyq belsendı retınde tanylǧan.
Biyl 15 mausymda Astana soty Timur Dänebaevty "Ūltaralyq arazdyq qozdyrdy" (174-baptyŋ 1-bölıgı) dep aiyptap, üş jylǧa bostandyǧynan aiyrǧan. 1 tamyzda apelliasiia soty ükımdı küşınde qaldyrdy. Belsendınıŋ advokaty Läzzat Temırjanova prosestı jürgızu tärtıbı būzylǧany turaly keltırgen uäjderın sot qabyldamai tastaǧanyn aitqan edı.
