Saiasattanuşy ǧalym, QR Memlekettık keŋesşısı Erlan Qarin Qazaqstan Respublikasynda ötken kezekten tys sailaudyŋ sipaty men nätijesıne qatysty pıkır bıldırdı, dep habarlaidy "Adyrna" ūlttyq portaly.
- Prezident sailauy qoǧamdy bır ortaǧa şoǧyrlandyruda jäne eldıŋ damuynda asa erekşe maŋyzǧa ie. Mausymda ötken referendumda qazaqstandyqtardyŋ 77%-dan astamy konstitusiialyq reformany maqūldady. Būl azamattardyŋ qazırgı bilıktıŋ atqaryp otyrǧan ıs-äreketterıne qoldau tanytqanynyŋ körınısı.
Dauys beru qorytyndysy boiynşa 80%-dan astam dauys jinaǧan Qasym-Jomart Toqaevtyŋ aiqyn jeŋısı qazırgı bilıktıŋ ıske asyryp jatqan, sondai-aq, bolaşaqqa josparlanyp otyrǧan ıs-qimyldarynyŋ dūrys ekendıgın körsettı. Būǧan el azamattarynyŋ Prezident saiasatyn maqūldauy men qoldauynyŋ joǧarǧy körsetkışı dälel. Eger referendum qoǧamdyq kelısımdı, ymyralastyqty jaŋa deŋgeige köterse, prezident sailauy azamattardy bırıktıruge jaŋa mazmūn men sipat beredı. Memleketımızde kezekten tys sailaudyŋ ötuı qazırgı qoǧam men bilık arasynda ortaq ūǧynysu men el damuynyŋ jarqyn keleşegı bar ekendıgın anyq aiqyndady. Jalpy, ülken sailau siklınıŋ bırınşı kezeŋı sättı aiaqtaldy dep aituǧa bolady. Kelesı kezeŋ - parlamenttık jäne mäslihattyq sailau. Nätijesınde, bızdıŋ elımız qoǧam men bilıktıŋ ymyrasyn nyǧaityp, memlekettık instituttardyŋ tūraqty jüiesın qalyptastyryp, qazırgı būlaǧai şaqta älemdegı qauıpsızdık pen tūraqtylyqtyŋ mekenıne ainalary sözsız, - dep jazdy saiasatker.
"Adyrna" ūlttyq portaly
Ūqsas jaŋalyqtar
