Senat töraǧasy Mäulen Äşımbaev Öskemen türmesınde jazasyn ötep jatqan Serık Küdebaevtyŋ suretıne jäne Aqmoladaǧy türmedegı azaptau oqiǧasyna qatysty pıkır bıldırdı, dep habarlaidy «Adyrna» tılşısı.
Būǧan deiın jelıde Atbasar audanyndaǧy №1 tüzeu mekemesınıŋ qyzmetkerlerı sottalǧandarǧa küş qoldanǧany turaly video taraǧan edı.
«Osy oqiǧa boiynşa tiıstı tergeu jürgızılıp, jauaptylardyŋ barlyǧy zaŋ aiasynda jazaǧa tartylady. Oǧan eş kümän bolmauǧa tiıs. Būl mäselelerdı eskerıp, Qylmystyq kodekstı taǧy qarap şyǧamyz»,—dedı Äşımbaev.Jurnalister Senat spikerınen Serık Küdebaevtyŋ türmedegı suretıne qatysty tüsınıkteme berudı sūrady. «Türmege smartfondar emın-erkın kırgızılıp jatyr ma? Jazasyn öteuşıler dastarhan jaiyp, toida otyrǧandai suretke tüsken»,—dedı BAQ ökılderı.
«Senattyŋ Konstitusiialyq zaŋnama, sot jüiesı jäne qūqyq qorǧau organdary komitetı bar jäne būl komitet qūqyq qorǧau organdarymen tyǧyz bailanysta jūmys ıstep jatyr. Atalǧan komitet qūramyndaǧy deputattar Ükımet müşelerın şaqyryp, būl mäselege qatysty taldau jasaimyz. Qylmystyq-atqaru jüiesınde problemalardyŋ bar ekenın moiyndauymyz kerek»,— dep tüsındırdı palata töraǧasy.
Ūqsas jaŋalyqtar
