Almaty oblysy polıııa departamentiniń burynǵy basshysy, general Serik Kúdebaev memlekettik shekarany zańsyz kesip ótkeni úshin jaýapqa tartylady. Bul rette onyń elden qalaı ketkeni naqty belgili boldy, - dep habarlaıdy "Adyrna" tilshisi.
Májiliste Bas prokýrordyń orynbasary Jandos Ómirálıevtiń málimdeýinshe, Kúdebaevtyń sózine qaraǵanda, ol shekara beketinen tys shekara qorshaýynyń astyna ótip, óz betinshe shekaradan ótip ketken.
«Bul Almaty oblysynyń Kegen aýdanynda boldy», - dep naqtylady Bas prokýrordyń orynbasary.
Sondaı-aq Kúdebaevty shekaraǵa kólikpen jetkizgeni belgili boldy, biraq onyń josparyn bilmegendikten júrgizýshi jaýapkershilikke tartylmaıdy.
Eske salaıyq, naýryz aıynyń basynda Serik Kúdebaev aýrýhanaǵa túsip, sońǵy sózin aıtý úshin sotqa kelmedi. Keıin bul proess birneshe ret keıinge shegerildi. Aıta keteıik, prokýrorlar oǵan «bılik pen ókilettikti asyra paıdalandy» degen aıyppen 9 jyl bas bostandyǵynan aıyrýdy suraǵan bolatyn.
Ótken jyldyń sáýir aıynyń sońynda Serik Kúdebaev óz ótinishimen Almaty oblystyq polıııa departamentiniń basshysy qyzmetinen bosatylǵan bolatyn. Sol jyldyń mamyr aıynda ol qańtar oqıǵasy boıynsha kúdikti dep tanyldy. Ústimizdegi jyldyń qańtar aıynyń basynda Kúdebaevqa qatysty sot otyrysy ótti. Keıin Kúdebaevtyń shetelge qashyp ketkeni belgili boldy.
"Adyrna" ulttyq portaly
