Türkiia astanasy Ankara qalasynda qazaqtyŋ şertpe küiınıŋ "atasy", käsıbi halyq sazgerı Tättımbet Qazanǧapūlynyŋ esımı ūlyqtalyp, eskertkışı boi köterdı, dep habarlaidy "Adyrna" ūlttyq portaly.
Ankaradaǧy Tättımbet Qazanǧapūly atyndaǧy saiabaq 2016 jyly küişınıŋ 200 jyldyǧyna aşylǧan. Araǧa 7 jyl salyp mädeni nysannyŋ qaq ortasynda küi önerınıŋ klassigıne arnalǧan eskertkış boi köterdı. Tuyndy avtory - Mūrat Mansūrov. 2,5 tonna qola eskertkış Qaraǧandy oblysy äkımdıgınıŋ Ankaraǧa tartuy bolǧan.
"Babalarymyz ūlyqtau, tarihymyzdy saqtau tek dostyqtyŋ belgısı dep bılemın. Tek osyndai ıs- şaralarymyz köp bolsyn. Bızdıŋ Tättımbet Qazanǧapūly babamyz, türık elınıŋ törınde oryn alǧany ülken quanyş, baqyt syilaidy", - dedı Qaraǧandy oblysy äkımınıŋ orynbasary Erbol Älıqūlov.Al aimaq basşysy Enver Demirel:
"Būl jerde Dina Nürpeiısova men Ahmet Baitūrsynūlynyŋ esımı berılgen qos saiabaq bar. Mūndai nysandar halyqpen halyqty bırlestırıp, bırın- bırı jaqsy tanuda ülken röl atqarady. Sondyqtan osyndai jerlerımızdıŋ sany arta bersın", - dep yqylasyn bıldırdı.
Tättımbet Qazanǧapūlynyŋ esımı ūlyqtalǧan jerde ärqaşan da Tättımbet halyq aspaptary orkestrı jüredı. Būl joly da, önerpazdar Antaliia, Ankara men Alaniiaǧa baryp, jergılıktı tūrǧyndardy qazaqtyŋ än men küiıne bölemek."Türkiia astanasynda Tättımbet babamyzǧa eskertkış aşyluynyŋ kuäsı boldy. Eskertkıştıŋ aşyluy tek Tättımbet ūrpaqtary, qaraǧandy oblysy emes, jalpy qazaq elıne degen ülken qūrmet", - dep alǧysyn jaudyrdy Tättımbet Qazanǧapūlynyŋ ūrpaǧy Slämiden Nūrkenov.
"Adyrna" ūlttyq portaly
Ūqsas jaŋalyqtar
