Panfilov diviziiasynyŋ soŋǧy jauyngerı Qaiyrly Jonqabaevtyŋ jerleu räsımı keşe Boroldai ziratynda öttı. Būl turaly Ūlttyq ūlannyŋ baspasöz qyzmetı mälımdedı, dep habarlaidy “Adyrna” tılşısı.
Aita keteiık, būǧan deiın ǧasyr jasaǧan qart Qaiyrly Uataiūlynyŋ ömırden ötkenın habarlaǧan edık.Aty aŋyzǧa ainalǧan qart jauyngerdı jerleu räsımı keşe Boroldai ziratynda öttı. Ardager jūbaiynyŋ janyna jerlendı, delıngen habarlamada.
Qaiyrly Jonqabaev 1921 jyly Şyǧys Qazaqstan oblysynyŋ Samar audanynda düniege kelgen. Qaiyrly Uataiūly maidanǧa attanǧanǧa deiın Şyǧys Qazaqstan oblysynda orta mektepte mūǧalım bolyp qyzmet atqarǧan.
1941 jyly Panfilov diviziiasynyŋ 23-gvardiialyq polkınıŋ jauyngerı boldy, bükıl soǧysty bastan ötkerdı. Keŋes Odaǧynyŋ batyry Mälık Ǧabdullinmen bır rotada 8-gvardiialyq atqyştar diviziiasynda pulemetşı bolǧan.
Özınıŋ diviziiasymen Belarustı, Polşany, Estoniiany azat etuge qatysty. 1943 jyly aqpanda Rjev tübındegı qandy şaiqasta jaralanyp, jeŋıstı Drezdende qarsy aldy.
