Belgili kompozıtor marqum Arman Dúısenovtiń úlken uly qaıtys boldy. Bul týraly jýrnalıst Láılá Sultanqyzy Instagram paraqshasynda aıtty, dep habarlaıdy “Adyrna” ulttyq portaly.
Qaraly habardy jetkizgen telejúrgizýshi marqumnyń otbasy men jaqyndaryna qaıǵyra kóńil aıtty.
«Osy jańa sýyt habar estip, kóńilim qulazyp otyr. Qazaqta "atalatsań da, botalatpa" deıdi ǵoı. Armannyń jesiri, kelinshegine óte aýyr, qıyn boldy. Úlken uly qaıtys boldy degendi estip, otbasyna qaıǵyryp, kóńil aıtamyn. Bekem bolyńyzdar», - dedi jýrnalıst.
Ánshi Maqpal Júnisova da marqum sazgerdiń jubaıyna kóńil aıtyp, jazba jarııalady. Onyń aıtýynsha Abylaı Armanulyna qastandyq jasalǵan.
«Marqum Arman Dúısenovtiń tuńǵyshy Abylaı Armanulyn bireýler qastyqpen óltirdi degen sýyq habar jetti, ımany salamat bolsyn, óltirgen adamdy taýyp, jazasyn berý kerek. Aısulý aınalaıyn Alla sabyr bersin. Keshe ushyp ketip edim, týǵandaryna, anasyna, qaryndasymen baýyryna qaıǵyryp kóńil aıtamyn», – dep jazdy Maqpal Júnisova.
Eske salaıyq, Arman Dúısenov 2023 jyldyń qańtarynda mezgilsiz qaıtys bolǵan edi.
