Qoǧam belsendısı, jurnalist Bahtiiar Qabas Almaty oblysy, Eŋbekşıqazaq audanyndaǧy keleŋsız jaǧdaidy aityp, basşylyqqa ündeu tastady. Onyŋ aituynşa, tūrǧyndar qatynaityn köpırdı su şaiǧan. Al oǧan müldem nazar audarmaǧan äkımşılıktıŋ kesırınen adam ölımı bola jazdaǧan, dep habarlaidy "Adyrna" ūlttyq portaly.
Jurnalist, qoǧam belsendısı Bahtiiar Qabas elde belgılı bır mäselenı tolyq şeşu üşın "mındettı türde adam ölımı boluy tiıs pe?" degen aşy saual tastap, jauapty mekemelerdıŋ jūmysyn synǧa alady. Sonymen qatar, audanda bolǧan oqiǧany adam şyǧynyna qatysty jaǧdaidy söz etıp, jauaptylardy synaidy:
- Osy bızde mäselenı der kezınde şeşuge ne kedergı? Mındettı türde oqys oqiǧa oryn alu kerek pe? Qaibır jyly Jaŋalyq auylyndaǧy kürejolǧa kamera men jaiau jürgınşı jolaǧyn saludy halyq qanşa sūrady, sozbaqtattyq. Nätijesınde oquşylardy kölık qaǧyp, soŋy ölımmen aiaqtaldy. Artynşa aiǧa jetkızbei kamera da, jolaq ta paida boldy, - deidı avtor.Keiınnen taǧy da tūrǧyndardyŋ talap-aryzy eskerılmei, Talǧar özenındegı köpırde adam mertıgıp, jan täsılım ete jazdaǧanyn jazady:
- Ötkende Enbekşıqazaq audanyndaǧy saiajai tūrǧyndarynyŋ Talǧar özenın qiyp ötetın "qyl köpırın" su şaiyp kettı. Halyq taǧy şulady, ötınış aitty. Enbekşıqazaq audany 25- tamyzǧa deiın jasaimyz, qalpyna keltıremız dedı. Bıraq taǧy da siyr qūimyşaqqa salynyp, aiaqsyz qaldy. Mıne, bügın sol saiajaidyŋ qos tūrǧyny suǧa aǧyp, tūrǧyndardyn kömegımen bır Alla saqtap aman qaldy. Endı osy jerden adam şyǧyny şyqpai ıs bıtpeiın dep tūr ma? İä, qazır halyq özı qoldan jasap alǧan köpır. Öitkenı äkımşılıkke senuden qalǧan. Eskertu berılgen, qauıptı jer ekenı eskertılgen degen pıkırler äkımşılık tarapynan aitylatyny sözsız. Desek te, oqu jyly bastalarǧa sanauly kün qaldy, sol "qyl köpırmen" qanşama qaraközderımız ötuge mäjbır! Sebep mektepke aparar jalǧyz töte jol osy! Adam ömırımen oinamaiyqşy! Oblys äkımdıgı osy mäselenı jedeldetıp qolǧa alady dep senemın!Äzırge qūzyrly mekemeler būl mäselege qatysty tüsınık bermedı. Al tūrǧyndardyŋ "şarasyzdan" būqaralyq aqparat qūraldaryna jügınuge mäjbür ekendıgı aitylady.
"Adyrna" ūlttyq portaly
Ūqsas jaŋalyqtar
