Almaty oblysy, Eńbekshiqazaq aýdanynda 14 jasar oqýshy kóz jumdy. Ata-anasy kóz jumǵan balanyń qan qusyp, qatty azapqa túskenin aıtady. Qazasynyń naqty sebebin de dálelmen alǵa tartyp otyr. Anasynyń aıtýynsha, joǵarǵy synyp oqýshylary ony aıaýsyz soqqyǵa jyǵyp, aqsha talap etip kelgen, dep habarlaıdy "Adyrna" ulttyq portaly "KTK" telearnasyna silteme kórsetip.
Almaty oblysynda kóz jumǵan 14 jasar Aıbolattyń ólimine álimjettik sebep bolǵan. Bul jaıly týystary habarlady. Qara jamylǵan otbasy ulymyzdy joǵarǵy synyptyń oqýshylary men stýdentter soqqyǵa jyqqan dep otyr. Ári olardyń aıtýynsha, óz baýyrlaryna zábir kórsetken aýyl sotqarlary Aıbolattan únemi aqsha alyp, kúsh kórsetken.
Ish qurylysy zaqymdanyp, ishten qan ketýi saldarynan baqılyq bolǵan 9-synyp oqýshysynyń qapııadaǵy ólimine qatysty qylmystyq is qozǵalyp, sot-medıınalyq saraptama taǵaıyndaldy. Azamat bolar shaǵynda ulynan kóz jazyp qalǵan áýlet qara jamylyp, eńirep otyr. Anasy Saırat Uǵybaı qaıǵyly oqıǵany kúńirene jetkizdi:
- Keldi úıge, on jarym, on bir kezinde. Keldi de, qusty. Qusqan soń jedel járdem shaqyrdym. Mine, balańyzdy kórińiz, ishekteri jarylyp irińdep ketken. Ishin qatty soqqan, qan uıyp qalǵan dedi. Balam sap-saý júrgen. Osyndaı bolady dep oılamadym.
Aıbolattyń telefonyn teksergen jaqyndary aýyldaǵy adam keıpinen ketken doıyrlardyń únemi ózinen kishi balalardy bopsalap, uryp-coǵyp, aqsha jınaıtynyn aıtyp otyr.
Aıbolatqa qatarlastary jibergen aýdıo-habarlamalardan baıqaǵanymyz, 9-synyptyń oqýshylary úlkenderdiń tapsyrmasyn buljytpaı oryndaıtyn kórinedi. Aıbolattyń aǵalary inimiz taıaq jep, aýyr jaraqattan baqılyq bolǵanyna senimdimiz deıdi. Biraq áli eshkimniń qamaýǵa alynbaýy kóńilge kúdik uıalatypty.
- Marqum bolǵan Aıbolattyń telefonynan joǵary synyp oqýshylarynyń aqsha suraǵanyn, qansha suraǵanyn, ne úshin suraǵanyna deıin jazylǵan. Bireýdiń Kaspi red-in jaýyp bergen. Bireýdiń mashınasyn jóndeýge alǵan. Bireýge kalıan ákep bergen. Biraq Eńbekshiqazaq aýdany polıııasy bóliminiń is-áreketi túsiniksiz. Tergeýdiń ádil júrgilýin suramaımyz, talap etemiz, - dedi Talǵat Nurman, A.Murathannyń aǵasy.
Osy oqıǵa boıynsha qylmystyq is qozǵalyp, tergeý júrgizilip jatyr. Polıııa máıitti tekserý barysynda marqumnyń denesinen zorlyq-zombylyqtyń belgileri tabylmaǵanyn jetkizdi.
- Aryz QR QK 106-baby boıynsha tirkeldi. Máıitti tekserý hattamasynda balanyń denesinde zorlyq-zombylyqty ólim belgileri joq ekendigi anyqtaldy. Ólim sebebin anyqtaý úshin qajetti suraqtar qoıylǵan sot - medıınalyq saraptama taǵaıyndaldy. , - dedi Almaty oblystyq PD resmı ókili Ernar Saıdildın.
Balanyń ólimine naqty ne sebep bolǵany sot-medıınalyq saraptama qortyndysynan keıin belgili bolady. Aıbolattyń týǵan-týysy ádil tergeý júrgizilip, kinálilerdiń jazalanǵanyn talap etedi.
"Adyrna" ulttyq portaly
