Ömır süru qūny boiynşa daiyndalǧan reitingınde Qazaqstan Respublikasy 140 memlekettıŋ arasynda 91-orynǧa ie bolyp, "qymbattyǧy" jaǧynan TMD-daǧy elderdı basyp ozdy, dep habarlady "Adyrna" ūlttyq portaly Finprom.kz-ke sılteme körsete otyryp.
Biyl bırınşı toqsan qorytyndysy boiynşa ömır süru qūny reitingısınde Qazaqstan 91-orynǧa tūraqtady. Elımızdıŋ indeksı – 25,4. İndeks tūtynu tauarlary men jalǧa berıletın tūrǧyn üi qūnyn Niu-Iork qalasymen salystyra otyryp baǧalanady. TMD elderınıŋ ışınde Qazaqstan eŋ qymbat memlekettık bırı atandy. Tızımde Armeniia – 57 orynda, Belarus – 98, Moldova 101, Resei –110, Qyrǧyzstan – 111, Äzerbaijan – 119, Özbekstan 125-orynda tūr.Aldyŋǧy oryndarǧa Bermud jäne Kaiman araldary jaiǧassa, reitingtıŋ soŋynda Päkıstan tūr. Biyl şıldenıŋ qorytyndysy boiynşa Qazaqstanda tauarlar men qyzmetterdıŋ baǧasy – 0,6%, jyl basynan berı – 5,8% jäne bır jylda 14%-ǧa östı. Biyl qaŋtar–şıldede baǧanyŋ ösuı (2022 jylǧy qaŋtar–şıldemen salystyrǧanda) 17,2% boldy. Öŋırler boiynşa ai saiynǧy dinamikada baǧanyŋ eŋ köp ösımı Ūlytau oblysynda (1%), Qaraǧandy jäne Qyzylorda oblystarynda, Astana jäne Almaty qalalarynda (ärqaisysynda 0,8%) tırkeldı. Jyldyq dinamika boiynşa tauarlar men qyzmetter baǧasynyŋ eŋ ülken ösımı taǧy da Ūlytau oblysy jäne Soltüstık Qazaqstan oblystary jäne Astana qalasynda (ärqaisysynda 15,4%), al eŋ azy Atyrau oblysynda (11,8%) baiqaldy.
- Biyl qaŋtar–şılde ailarynyŋ qorytyndysy boiynşa baǧanyŋ eŋ köp ösımı – Maŋǧystau oblysynda (19,5%), eŋ azy – Almaty oblysynda (15,7%).
- Ai saiynǧy dinamika boiynşa, azyq-tülık tauarlary – 0,1%, azyq-tülık emes tauarlar – 0,7%, aqyly qyzmetter – 1% qymbattady.
- Jyldyq dinamika boiynşa azyq-tülık tauarlary – 13,5%, azyq-tülık emes tauarlar – 15%, aqyly qyzmetter – 13,6% qymbattady.
- Qaŋtar-şıldenıŋ qorytyndysy boiynşa azyq-tülık tauarlarynyŋ baǧasy – 19%, azyq-tülık emes tauarlardyŋ baǧasy — 17,8%, aqyly qyzmetterdıŋ baǧasy 13,9% qymbattady.
- Azyq-tülık jäne alkogolsız susyndar bır jylda 13,3% qymbattady (bır aida ösım baiqalmady).
- Kiım jäne aiaq kiım bır aida – 0,7%, bır jylda – 15,2%, tūrǧyn üi qyzmetterı, su, elektr energiiasy, gaz jäne basqa da otyn türlerı bır aida – 1%, bır jylda – 14,9%;
- Densaulyq saqtau qyzmetterı bır aida – 1%, bır jylda – 17,5%; demalys jäne mädeniet qyzmetterı bır aida – 3,6%, bır jylda –16%;
- Bılım beru qyzmetterı bır aida – 0,2%, bır jylda – 13%;
- Meiramhanalar men qonaqüiler bır aida – 0,5%, bır jylda – 15,3% qymbattady.
"Adyrna" ūlttyq portaly
Ūqsas jaŋalyqtar
