Astanadaǧy bügıngı kezdesude Germaniia basşysy qazaq dalasynan jetken energiia jaily söz qozǧady. Onyŋ habarlauynşa, Qazaqstan şikı mūnai jetkızu arqyly Germaniiany energiiamen qamtamasyz etıp otyr. Būl turaly Aqordada Memleket basşysy Qasym-Jomart Toqaevpen kelıssözderden keiıngı BAQ ökılderıne bırlesken mälımdeme jasau barysynda Germaniia Prezidentı Frank-Valter Ştainmaier aitty, dep habarlaidy "Adyrna" ūlttyq portaly.
«Soŋǧy uaqytta Qazaqstan Germaniianyŋ energiiamen jabdyqtaluyna eleulı üles qosyp keledı. Äsırese, Qazaqstannyŋ qosymşa mūnaidy bızge jetkızudı josparlap otyrǧany quantady. Būl keleşekte elımızde ornalasqan mūnai öŋdeu käsıporyndarynyŋ jūmysyn jandandyryp, Şyǧys Germaniiamen janar-jaǧarmaimen jabdyqtauǧa mümkındık beredı», - dedı Frank-Valter Ştainmaier.Germaniia basşysy sonymen qatar aǧynan jarylyp, ystyq yqylasyn tanytty. Qazaqstan tarapyna qosymşa mūnai jetkızetındıgı üşın rizaşylyǧyn bıldırdı.
«Būl energetikalyq sektor üşın öte jaqsy jaŋalyq ärı qosymşa mūnai jetkızu turaly kelısım jasalǧany quantady. Sol üşın Qazaqstan tarapyna şyn jürekten alǧysymdy bıldıremın», - dedı Germaniia Prezidentı.
"Adyrna" ūlttyq portaly
Ūqsas jaŋalyqtar
