Seısenbi kúni, 25 mamyrda Armenııanyń shekara mańynda Ázirbaıjan áskerı kúshteriniń qatysýymen atys boldy, dep habarlady Armenııa Qorǵanys mınıstrligi.
"25 mamyrda saǵat 14: 20-da Gegarkýnık oblysyndaǵy Verın Shorja eldi mekeniniń shekara mańynda eki taraptyń qatysýymen qarý qoldaný oqıǵasy oryn aldy.", — delingen habarlamada.
Atystyń nátıjesinde kelisimshart boıynsha áskerı qyzmetin ótep júrgen armııandyq serjant Hýrshýdıan qaza tapty. 12-13 mamyrda Ázirbaıjan armııasynyń sarbazdary Sıýnık jáne Gegarkýnık oblystaryna kirip ketken. Armenııa osyǵan baılanysty ODKB-ǵa kómek ber dep júginip otyr.
Buǵan deıin Taýly Qarabaqtaǵy bitimgershilik mıssııasy men armıan-ázirbaıjan shekarasyndaǵy jaǵdaıdy Armenııa Qorǵanys mınıstriniń mindetin atqarýshy Vagarshak Arýtıýnıan men Qarabaqtaǵy Reseı bitimgershilik kontıngentiniń qolbasshysy Rýstam Mýradov talqylaǵan bolatyn.
Bekbolat QARJAN,
"Adyrna" ulttyq portaly
