Tarazda eŋbek demalysynan şyqqan bır top mūǧalım şu şyǧardy. №28 mekteptıŋ ūstazdary tamyz aiynda ıstegen eŋbegımızdıŋ aqysyn tolyq ala almaityn boldyq dep aşuly. Būl turaly KTK telearnasy mälımdedı, dep habarlaidy “Adyrna” ūlttyq portaly.
Telearna mälımetınşe, bılım bölımı oqu oşaǧynda jöndeu jürıp jatqandyqtan, mūǧalımderge tek jalaqy tölenedı dep otyr.
Al olardyŋ sanatyna tiesılı qosymşa aqy berılmeidı. Alaida ūstazdar qauymy būl turaly mektep direktory eşkımge eşteŋe eskertpegenın aitady. Olar osy ai bastalǧaly köşe kezıp, synyptaǧy oquşy sanyn toltyru üşın bılım ordasyna bala jinaumen bolǧan.
Bırınen bastap jūmysqa şyqtyq. Bıraq bızge qazır ailyǧymyzdy tek jalaqy retınde töleimız dep jatyr. Bız oǧan qarsymyz. Nege? Öitkenı bärınde ipoteka bar. Bärınde nesie bar. Mektep jaqyndap qaldy. Bärı bala-şaǧasyn kiındıru kerek. Basqa №62 mekteptıŋ ışınde jöndeu bolyp jatqan mektepten ǧana ünemdep, ailyqtyŋ jalaqysyn bereiın dep jatyr, - deidı mūǧalım Dinara Moilauova.Mektepte keş bastalǧan qūrylys ta jaŋa oqu jylyna deiın aiaqtalmauy mümkın. Osy aida bıtpeitın bolǧan jaǧdaida balalar basqa nysanda bılım aluǧa mäjbür bolady. Al 11 kün boiy üi-üidı aralaǧan aǧartuşylardyŋ aqysyz qyzmet etuıne kınälı adam tabylmady. Mektep direktory da, bılım bölımı de būl turaly mız baqpaǧan.
Kürdelı jūmys bastalardyŋ aldynda direktorlarmen tüsındırme jürgızılgen. Būl kısıler tüsındırme jürgızu kerek bolatyn. Al jürgızdı, jürgızbedı, men ony aita almaimyn. Būl basşysynyŋ qūzyrynda. Ol kısıler jürgızu kerek edı. Jaŋa oqu jylyna deiın 20 kün qaldy. Qūrylys bıtıp ülgere me? Men qazır naqty aita almaimyn. Bıtıruge barlyq jaqtan atsalysyp jatyrmyz, - deidı Taraz bılım bölımı basşysynyŋ orynbasary Gülbanu Mälıbekqyzy.
Ūqsas jaŋalyqtar
