Bázilbaev besinshi márte Qazaqstan prezıdenti saılaýyna qatysatynyn málimdedi

1292
Adyrna.kz Telegram

Tórt ret prezıdent saılaýyna qatysatynyn aıtyp, biraq eshbirinde saılaýdyń sońyna deıin barmaǵan Jaqsybaı Bázilbaev 9 maýsymda ótetin Qazaqstannyń kezekten tys prezıdent saılaýyna qatysatynyn aıtty. Bul týraly ol 19 sáýirde Almatyda ótken baspasóz jıyny kezinde málimdedi.

Ol saılaýǵa "Qazaqstandaǵy orys qaýymdastyǵy" qoǵamdyq uıymynyń atynan túspek.

"Qazaqstandaǵy orys qaýymdastyǵy" Bázilbaevtyń uıym atynan saılaýǵa túsý nıetin "jıyn barysynda bilgen". Jıynǵa kelgen uıym ókili "bul ótinishti endi ǵana estigenderin, bir apta ishinde aqyldasyp, sheshim qabyldaıtyndaryn" aıtty.

Jıyn kezinde Bázilbaev saılaýaldy baǵdarlamasymen tanystyrdy.

- Qorǵanys qabiletin nyǵatýdan bastaımyn. Eýropa odaǵy men Shanhaı yntymaqtastyq uıymyn qoldaımyn. Eýrazııalyq odaq aıasynda Reseıge qorǵanys koalıııasyn qurýdy usynamyn, - dedi ol.

Bázilbaevtyń eki bettik saılaýaldy baǵdarlamasynda zeınetkerlerdi kommýnaldyq tólemnen bosatý, kóp balaly analarǵa tegin baspana berý, oqý men medıınany tolyqtaı tegin etý men ár qalada zaýyt-fabrıka salý jospary bary jazylǵan.

1998 jylǵy prezıdent saılaýynda Bázilbaev básekelesi Nursultan Nazarbaevtyń paıdasyna saılaýdan shyǵatynyn málimdegen. Azattyqtyń "Osy joly saılaýda áldebir kandıdattyń paıdasy úshin saılaýdan shyǵyp qalmaısyz ba?" degen suraǵyna Bázilbaev "shyqpaımyn" dep jaýap berdi.

- Shyqpaımyn. Zańda qozǵalys ne partııa atynan tússeń, sen sheshpeısiń, seni kim, qaı partııa túsiredi – solar sheshedi. Sol sebepti meni usynsa, men túsemin, táýekel, - dep jaýap berdi.

67 jastaǵy Jaqsybaı Bázilbaev buǵan deıin tórt ret – 1998, 2005, 2011 jáne 2015 jyldary ótken Qazaqstan prezıdenti saılaýlaryna ózin-ózi usynǵanymen, saıası básekeniń sońǵy kezeńine jetpeı, óz erkimen shyǵyp ketken.

Pikirler