Toqaevqa hat: "Aýdan ákimin saılaý rýshyldyqty órshitip jiberýi múmkin"

7836
Adyrna.kz Telegram
Foto: egemen.kz
Foto: egemen.kz

Túrkistan oblysynyń belsendisi, jýrnalıst Dáýren Ábdiraman alda bolatyn aýdan ákimderiniń saılaý sharasy ońtústik óńirde rý aralyq janjaldardy ýshyqtyryp, rýshyldyqty órshitip jiberýi múmkin ekenin aıttyp, QR Prezıdenti Qasym-Jomart Toqaevqa ashyq hat jazdy, - dep habarlaıdy "Adyrna" ulttyq portaly.

Qazaqstan Prezıdenti Qasym-Jomart Toqaev VIII shaqyrylymdaǵy QR Parlamentiniń birinshi sessııasynyń ashylý saltanatynda bıyl elimizde alǵash ret 45 aýdan jáne oblystyq mańyzy bar qala ákimderiniń saılaýy ótetinin málimdegen bolatyn. Ákimderi saılanǵaly otyrǵan 45 aýdannyń 4-i Túrkistan oblysyna tıesili. Olar: Shardara, Maqtaaral, Sozaq, Báıdibek aýdandary.

Belsendi Prezıdentke jazǵan hatynda Qazaqstannyń traıbalızm deıtin derti jemqorlyqtan asyp túspese, kem túspeıtinin, qazir bilimdi, bilikti, tájirıbeli maman bolǵannan góri aǵaıynǵa syıly bolǵannyń joly ashyq ekenin, buǵan keshegi ótken máslıhat saılaýy ábden dálel bola alatynyn aıtady.

Jýrnalısttiń oıynsha, qolynda ne bıýdjeti, ne jalaqysy joq máslıhat depýtattyǵyna qyrylysqan aǵaıyn óz aldyna jeke bıýdjeti bar aýdan ákimin saılaıtyn bolsa, tipti bel sheshe kúresedi-mis. Dáýren Ábdiraman: "Mundaı múmkindikti ár rýdyń aqsaqaldary qur jibermeıdi. Olar óz rýlasyn ákim etý jolynda bilimdi de bilikti mamandardyń jolyn kesip tastaıdy" deı kelip, mysal retinde Shardara aýdanyndaǵy ahýaldy baıan etken.

Belsendi: "Shardarada 85 myńnyń tóńireginde halyq turady. Shardaranyń ekonomıkalyq kórsetkishteri jaman emes. Byltyr quny 1,7 mlrd teńgeni quraıtyn jańa 10 ınvestıııalyq joba iske asyrylyp, 118 jańa jumys orny ashylǵan. Bıyl 3,6 mlrd teńgege 7 iri ınvestıııalyq joba júzege asyrylyp jatyr. Shardara aýdany aldymen sý qoımasymen tanymal. Shardaranyń balyq ónimderi Eýropaǵa eksporttalyp jatyr" dep aýdannyń birqatar jetistikterin tizip shyǵyp, Shardarada orta júzdiń qońyrat taıpasynyń Baılar-Jandar rýy ókilderi kóp turatynyn, odan keıingi sany kóp Alǵılar bolyp esepteletinin, munan ózge Adaılar, Qulshyǵashtar, Boraılar da bar ekenin, al qazirgi aýdan ákimi Qaırat Joldybaı Qońyrattyń Orazgeldi rýynan shyqqanyn, saılaý bola qalǵan jaǵdaıda Shardaranyń isker ákimi rýshyldyqtyń kesirinen qaıta saılana almaı qalýy múmkin ekenin jetkizgen.

"Adyrna" portalynyń tilshileri Prezıdentke hat jazǵan belsendi Dáýren Ábdiramanǵa qońyraý soǵyp, "Rýshyldyqty mysal ete otyryp, qazirgi Shardara aýdanynyń ákiminiń sózin sóılep otyrǵan joqsyz ba?" degen saýal joldady.

Dáýren Ábdiraman, jýrnalıst:

- Shardara aýdanynyń ákimin jumys barysymen ómirde eki-úsh ret qana kórdim. Isker maman retinde syrttaı qurmetteımin. Ońtústiktegi rýshyldyqtyń qandaı ekenin óz ishinde júrgen adam bolmasa, syrttaǵylar bile bermeıdi. Qazirdiń ózinde aýdan ákimderin saılaý rýlar arasyndaǵy janjaldyń bastaýshysy bolatyny baıqalyp tur. Prezıdentke hatty ár rý óz kandıdatýrasyn usynyp, ózara qyryqpyshaq bolmasa degen oımen jazdym. Rýshyldyǵy asqynyp otyrǵan ońtústik óńirde aýdan ákimderiniń saılaýyn ótkizýdi toqtata turý kerek sııaqty. Sebebi, Shardaranyń elý paıyz halqy Baılar-Jandar rýynyń ókilderi. Saılaý óte qalǵan jaǵdaıda bul aýdanǵa qandaı bilimdi, isker azamat kandıdatýrasyn usynsa da, rýy sáıkes kelmese, ákim bola almaıdy degen sóz. Sondyqtan, óńirdegi rýshyldyqty órshitpeı, eshkimdi jik-jikke bólmeı burynǵydaı oblys ákimderi bilikti mamandardy ózderi taǵaıyndaı bergeni ıdeologııalyq turǵydan durys bolar edi. Al, endi Shardaranyń búgingi ákimi saılana ma, saılanbaı ma, maǵan báribir. Tek isker ákimdi mysal etkenim bolmasa, ol kisi meniń rýlasym da, jerlesim de emes.

Ońtústiktiń taǵy bir belgili jýrnalısi Tutqabaı Fazylbek atty azamat "Dáýren Ábdiramanov kóterip otyrǵan másele jalǵyz Shardaraǵa tán desek, qatelesemiz. Bul - búkil qazaq jurtynyń basynda bar jaǵdaı. Máselen, Shardaramen irgeles jatqan Maqtaaral aýdanyn alaıyq" deı kelip, aýdannyń qazirgi basshysy Baqyt Asanovtyń asa tájirıbeli maman ekenin, Sardoba sý qoımasyndaǵy apat kezinde onyń biliktiligin búkil Qazaqstan jurtshylyǵy kórgenin, biraq rýy Shapyrashty bolǵandyqtan atalǵan maqtaýly ákimniń de saılaýdan jeńe almaı qalý múmkin ekenin mysalǵa keltirgen. "Aýdannyń ekonomıkalyq-áleýmettik damýyna osynsha úles qosqan Baqyt Nasyrhanuly bir-aq kúnde Maqtaaralǵa bóten bolyp shyqpaı ma?!" deıdi ol.

Aýdan ákimderin saılaý - demokratııalyq qoǵam qurýǵa jasalǵan talpynys. Biraq, sol talpynysqa qoǵam daıyn ba? Rýshyldyqtyń deńgeıinen kóterilip, ultty, memleketti oılaıtyn dárgeıge jettik pe? Árıne, bul suraqqa jaýap berý qıyn!

Qanat Birlikuly

“Adyrna” ulttyq portaly

 

Реклама
  • ИП Попов А.П.
  • ИНН: 602715631406
Школьники потрясли всю сеть этим танцем — смотреть без детей!
Реклама
  • ИП Попов А.П.
  • ИНН: 602715631406
Муж поднял потенцию за 1 минуту! Использовал этот метод
Реклама
  • ИП Попов А.П.
  • ИНН: 602715631406
Девушка из г Вашингтон опозорилась на всю Беларусь! Видео ошеломит
Pikirler