Qazaqstannyŋ soltüstıgındegı Qyzyljar qalasyn Reseige qosu turaly mäsele köterıp, memlekettık şekaranyŋ tūtastyǧyn būzuǧa ärekettengen, separatist Valerii Lihuşin qylmystyq jauapkerşılıkten bosatyldy, - dep habarlaidy "Adyrna" ūlttyq portaly pkzsk.info saityna sılteme jasap. Ötken jyly Petropavl qalalyq soty Facebook äleumettık jelısınde «Piotr Sidorov» degen laqap atpen tırkelıp alyp, qazaqtyŋ tılın, qazaq halqyn qorlap jäne Petropavl qalasyn Reseige qosu turaly bastama köterıp jürgen Valerii Lihuşindı 8 jylǧa bas bostandyǧynan aiyrǧan bolatyn.
Valerii Lihuşinnıŋ advokatynyŋ aituynşa, ol oquşy kezınde "psihikasynda auytquy bar" degen diagnozben psihonevrologiialyq dispanserde esepte tūrǧan. Jüike auyruy bar balalarǧa arnalǧan arnaiy mekteptı bıtırgen. Bıraq keiınen Lihuşin sauyqqany sebeptı esepten şyǧarylǧan. Sot kezınde ol özınıŋ basyn ūryp, äldebır dauystardyŋ tapsyruymen äreket etkenın aityp şaǧymdandy. Sottaluşynyŋ osy äreketınen keiın sot oǧan psihologiialyq-psihiatriialyq saraptama taǧaiyndauǧa şeşım qabyldaǧan. Saraptama nätijesı Valerii Lihuşinnıŋ aqyl-esı auysqanyn körsetken.
Petropavl qalalyq soty 4 tamyz künı saraptama qorytyndysyna süienıp, separatistıŋ būrynǧy şyǧarylǧan ükımnıŋ küşın joidy. Sudia Lihuşinnıŋ "aqyl-esınıŋ auysqany däleldendı" dep tauyp, qylmystyq jauapkerşılıkten bosatyp, ony mäjbürlı türde psihikalyq auytqu bar azamattardy emdeitın auruhanaǧa auystyruǧa şeşım şyǧardy.
Sot otyrysyna Lihuşinnıŋ özı qatyspaǧan. Onyŋ zaŋdy ökılı qorǧauyndaǧy Valerii Lihuşinnıŋ qylmysy däleldenbegenı sebeptı öndırıstegı ıstı qysqartudy sūraǧan.
"Aqyl-esınıŋ aqauy bar" azamattyŋ feisbuk äleumettık jelısınde Petr Sidorov paraqşasyn qoldanatyny anyqtaldy. Ol paraqşasynda ūdaiy türde ūltaralyq dürdarazdyqty qozdyruǧa ūmtylatyny baiqalady.
Eske sala keteiık, Qyzyljar öŋırınde soŋǧy 2,5 jyl ışınde "separatistık äreket jasady", "ūltarazdyǧyn qozdyrdy" degen aiyppen 11 azamat sottalǧan. Olardyŋ ışınde aiypty dep tanylyp, bırneşe jylǧa sottalǧandary da, şartty jazamen bostandyqqa şyqqandary da bar. Sol 11 ıstıŋ ışınde eŋ şulysy Viacheslav Zudermannyŋ äreketı boldy. Avto jöndeuşı bolyp jūmys ısteitın Viacheslav Zuderman bastaǧan top (19 adam) 2023 jyldyŋ 19 nauryzynda "Eŋbekşı halyqtyŋ keŋesı" degen ūiymnyŋ atynan mälımdeme jasady. Sol mälımdemede olar Qazaqstan memleketınıŋ qūqyqtyq negızıne kümän keltırıp, özderınıŋ "täuelsızdıgın jariialady". Jiynda ūiymǧa töraǧa sailap, "deklarasiia", "jarǧy", "eltaŋba men mör" jobasyn bekıttı. 18 säuır künı jiyn ötkızgenderdıŋ arasyndaǧy belsendı azamattar qamaldy, olardyŋ ısı älı tergelıp jatyr.
Sonymen qatar, Qyzyljarda seperatizm babymen tek slavian tektes ūlttardyŋ ökılderı ǧana emes, qazaqtar da ıstı bolǧan. Mäselen, Asylbek Sekeuov atty azamat "slaviandyq ūlt ökılderın qorlady" degen aiyppen şartty jazamen 4 jylǧa sottalǧan.
Eske sala keteiık, Qyzyljar öŋırınde soŋǧy 2,5 jyl ışınde "separatistık äreket jasady", "ūltarazdyǧyn qozdyrdy" degen aiyppen 11 azamat sottalǧan. Olardyŋ ışınde aiypty dep tanylyp, bırneşe jylǧa sottalǧandary da, şartty jazamen bostandyqqa şyqqandary da bar. Sol 11 ıstıŋ ışınde eŋ şulysy Viacheslav Zudermannyŋ äreketı boldy. Avto jöndeuşı bolyp jūmys ısteitın Viacheslav Zuderman bastaǧan top (19 adam) 2023 jyldyŋ 19 nauryzynda "Eŋbekşı halyqtyŋ keŋesı" degen ūiymnyŋ atynan mälımdeme jasady. Sol mälımdemede olar Qazaqstan memleketınıŋ qūqyqtyq negızıne kümän keltırıp, özderınıŋ "täuelsızdıgın jariialady". Jiynda ūiymǧa töraǧa sailap, "deklarasiia", "jarǧy", "eltaŋba men mör" jobasyn bekıttı. 18 säuır künı jiyn ötkızgenderdıŋ arasyndaǧy belsendı azamattar qamaldy, olardyŋ ısı älı tergelıp jatyr.
Sonymen qatar, Qyzyljarda seperatizm babymen tek slavian tektes ūlttardyŋ ökılderı ǧana emes, qazaqtar da ıstı bolǧan. Mäselen, Asylbek Sekeuov atty azamat "slaviandyq ūlt ökılderın qorlady" degen aiyppen şartty jazamen 4 jylǧa sottalǧan.
Adyrna.kz
Ūqsas jaŋalyqtar
