Soltústik Qazaqstan oblysynyń turǵyndary Reseı patshalyǵy kezindegi aýyldardyń 265-270 jyldyqtaryn toılady, - dep habarlaıdy Adyrna ulttyq portaly pkzsk.info saıtyna silteme jasap.
Soltústik Qazaqstan oblysynyń Qyzyljar aýdanyna qarasty Dolmatovo aýylynyń irgetasynyń qalanǵanyna bıyl 265 jyl tolǵan. 1758 jyly áýlıe Petr men Pavl qazaq jerin otarlaý maqsatynda Esil ózeniniń boıyna sharýalardy kóshirip ákelip, olarǵa jer bólip bergen. Patshalyq Reseıdiń bul saıasaty arada kóp ýaqyt ótpeı qarqyn alyp, Qyzyljar mańyna kóship kelgisi keletin otarlaýshylardyń sany kúrt artqan. Máselen, sol jyldary bir ǵana Tobyl qyraty mańynan jer alýǵa 295 ótinish túsipti. Munyń sońy sharýalardyń qujat kútpesten jappaı Esil boıyna aǵylýyna oraı týǵyzdy. Sol jyldary Qasqyrly dep atalǵan bul aýyl Reseıden Qyzyljar qalasyna aǵylǵan saýda kerýenderiniń aıaldaıtyn ortalyǵyna aınalǵan.
Dál osyndaı merekeni Mamlıýt aýdanyna qarasty Dýbrovnoe aýyly da atap ótken. "Dýbrovnoe aýyly Petropavldaǵy áýlıe Petr bekinisiniń qurlysy bastalǵan soń bir jyldan keıin, 1753 jyldyń 8 qyrkúıeginde qurylǵan. Bıyl Dýbrovnoe eldimekeniniń irgetasy qalanǵanyna 270 jyl toldy" deıdi jergilikti turǵyndar.
Aýyl turǵyndary osyndaı tarıhtan syr shertip, konerttik sharalar uıymdastyryp, Qazaqstandy patshalyq Reseıdiń otarlaǵan kúnin toılap jatqanymen, qazir Dolmatovo Qyzyljar aýdanynyń Berıozovsk selolyq okrýgine qarasty kishkene ǵana aýyl sanalady. 2009 jylǵy sanaq boıynsha halqynyń sany 466 adam. Al, Mamlıýt aýdanyna qarasty Dýbrovnoe aýylynda 700-ge jýyq halyq turady.
Adyrna.kz
