Soltüstık Qazaqstan oblysynyŋ tūrǧyndary Resei patşalyǧy kezındegı auyldardyŋ 265-270 jyldyqtaryn toilady, - dep habarlaidy Adyrna ūlttyq portaly pkzsk.info saityna sılteme jasap.
Soltüstık Qazaqstan oblysynyŋ Qyzyljar audanyna qarasty Dolmatovo auylynyŋ ırgetasynyŋ qalanǧanyna biyl 265 jyl tolǧan. 1758 jyly äulie Petr men Pavl qazaq jerın otarlau maqsatynda Esıl özenınıŋ boiyna şarualardy köşırıp äkelıp, olarǧa jer bölıp bergen. Patşalyq Reseidıŋ būl saiasaty arada köp uaqyt ötpei qarqyn alyp, Qyzyljar maŋyna köşıp kelgısı keletın otarlauşylardyŋ sany kürt artqan. Mäselen, sol jyldary bır ǧana Tobyl qyraty maŋynan jer aluǧa 295 ötınış tüsıptı. Mūnyŋ soŋy şarualardyŋ qūjat kütpesten jappai Esıl boiyna aǧyluyna orai tuǧyzdy. Sol jyldary Qasqyrly dep atalǧan būl auyl Reseiden Qyzyljar qalasyna aǧylǧan sauda keruenderınıŋ aialdaityn ortalyǧyna ainalǧan.
Däl osyndai merekenı Mamliut audanyna qarasty Dubrovnoe auyly da atap ötken. "Dubrovnoe auyly Petropavldaǧy äulie Petr bekınısınıŋ qūrlysy bastalǧan soŋ bır jyldan keiın, 1753 jyldyŋ 8 qyrküiegınde qūrylǧan. Biyl Dubrovnoe eldımekenınıŋ ırgetasy qalanǧanyna 270 jyl toldy" deidı jergılıktı tūrǧyndar.
Auyl tūrǧyndary osyndai tarihtan syr şertıp, konserttık şaralar ūiymdastyryp, Qazaqstandy patşalyq Reseidıŋ otarlaǧan künın toilap jatqanymen, qazır Dolmatovo Qyzyljar audanynyŋ Beriozovsk selolyq okrugıne qarasty kışkene ǧana auyl sanalady. 2009 jylǧy sanaq boiynşa halqynyŋ sany 466 adam. Al, Mamliut audanyna qarasty Dubrovnoe auylynda 700-ge juyq halyq tūrady.
Adyrna.kz
