Aqtöbede jat aǧymnyŋ jetegınde ketken segız adamnyŋ sottalǧany habarlandy. Olar bırlesken türde tūrǧyndardyŋ aqşasyn tartyp alyp, kölıgın iemdenıp otyrǧan. Qolyna tüsken "qūrbandardy" jäbırlep, ūryp-coqqan, dep habarlaidy "Adyrna" ūlttyq portaly.
Mälım bolǧandai, sottaluşylardyŋ segızı de būryn ıstı bolǧan. Türmeden şyqqannan keiın de bırge jürıp qylmystyq top qūrǧan. Byltyr jazda qala tūrǧynyn ūrlap ketıp, kölık jöndeitın ortalyqqa qamaǧan. Sol jerde ūryp-soǧyp, qorqytyp, 2 millionyn tartyp alǧan. Sonymen qatar jäbırlenuşınıŋ atynan nesie räsımdegenı de belgılı bolyp otyr. Odan keiın taǧy bır tūrǧyndy ūrlap ketıp, tehnikalyq qyzmet körsetetın ortalyqta äbden qinaǧan. Qaraqşylar bıraq odan aqşa taba almaidy. Tartyp alar düniesı bolmaǧan soŋ, jäbırlenuşınıŋ kölıgın iemdengen.
Tergeuşıler sottaluşylardy destruktivtı dıni aǧym ökılderı dep otyr. Olar jetı men toǧyz jyl aralyǧynda jaza arqalady:
«Küdıktıler būryn bas bostandyǧynan aiyru türındegı jazasyn ötegennen keiın, adamdarmen aldyn ala söz bailasyp, mülıkter men aqşalai qarajatty Aqtöbe tūrǧyndarynan küş qoldanu arqyly iemdengen. Memlekettık aiyptauşynyŋ pıkırımen kelısıp, olardy kınälı dep tanyp, ärqaisysyna 7 jyldan 9 jylǧa deiıngı merzımge bas bostandyǧynan aiyru jazasyn taǧaiyndady»,-deidı Aqtöbe prokuraturasynyŋ bölım prokurory Äsel Ötenova.
"Adyrna" ūlttyq portaly
Ūqsas jaŋalyqtar
