"Musylman dini eshqashan salt-dástúrge qarsy shyqpaǵan - jańa aǵym bizge jaý"

4451
Adyrna.kz Telegram

«Musylman dini kúsheıip kele jatyr» dep qýanyp edik, bul jańa aǵym qazaqqa jaý bolyp shyqty.

Óıtkeni olar qazaqtyń salt-dástúrine qarsy, tipti Quran qalyptastyrǵan dinı termınderdi buzdy.

Qazaq buryn «sharıǵat» deıtin edi bular «sharııat» dedi, Allany – Allah deıdi, arabshanyń ózinde Allah emes eken.

Olar aıtsa kerek edi: «Ulttyń tilin saqtańdar, ádepti bolyńdar, ata-anany syılańdar», – dep.

Bularda ol joq, barlyq nasıhat qazaqqa qarsy:

«Kelin ata-enege ıilip sálem salmaýy kerek, Allaǵa ǵana ıilýi kerek», – deıdi.

Kelin ata-enege ǵana emes, jasy úlkenniń bárine ıilip sálem beredi.

Arýaq joq deıdi, arýaq joq bolsa, qazaq ta joq. Aıta bersek, áńgime kóp.

Sodan keıin myń jyl turǵan áýlıe aǵashty órtedi, ol – tabıǵattyń ózgeshe qubylysy. Germanııada sondaı bir aǵash bar eken, olar buǵan tımegen, fotosyn qıyp alyp saqtap qoıdym.

«Beıit salýǵa bolmaıdy, as berýge bolmaıdy», – deıdi. Bul – qazaqqa qarsy shyqqan nárse, al qazaqqa qarsy shyqqan nárse joıylýy kerek, oǵan qarsy kúresýimiz kerek. Buǵan jol berýge bolmaıdy, keıingi jastardy azdyryp barady.

Musylman dini eshqashan jergilikti jerdiń salt-dástúrine qarsy shyqpaǵan, sol sebepti de beıbit túrde álemdi jaýlaǵan.

Muhtar Maǵaýın

"Abaı joly" paraqshasynan

Pikirler