Balalar ortalyǧynda jarylys boldy! Oqys jait Qyzylordada tırkeldı. Tūrǧyndary taŋǧy 7 şamasynda qatty dybystan şoşyp oianǧan. Dalaǧa atyp şyqqan olar üi janyndaǧy ūl-qyzdarǧa arnalǧan nysannyŋ otqa oranǧanyn körıptı. Būl turaly «Adyrna» ūlttyq portaly «Euraziia» bırınşı arnasyna sılteme jasap habarlaidy.
Oqys oqiǧa taŋǧy 7:20 şamasynda bolǧan. Jarylystyŋ qatty bolǧany sonşa, onyŋ tolqynynan jaqyn maŋaidaǧy jer üidıŋ aǧaştan salynǧan saraiy qirap, 50 şarşy metr aumaqqa zaqym kelgen. Odan bölek, bastyrmasy qūlap, şyǧar esıktı jauyp qalypty. Üidıŋ iesın körşılerı terezeden şyǧaruǧa mäjbür bolypty.
«Jūmys jaqtan kele jatqanmyn. Sol kezde estuım boiynşa gürs ete qaldy dedı ǧoi üidegıler. Men kelgende maşinalar bylai kelıp, myna jaqtan ketıp jatyr eken», - deidı oqys oqiǧa kuägerı Bauyrjan Jarylqasynov.Ört söndıruşıler oqiǧa ornyna habar tüsısımen 2 minutta jettık dep otyr. Öitkenı, ört söndıru beketımen oiyn sauyqtyru ortalyǧynynyŋ arasy 1,5 şaqyrym ǧana eken. Jedel jetken tötenşelıkter ǧimarattyŋ 1-şı qabaty tolyqtai otqa oranǧan körgen. Olar tılsız jaudy söndırıp bıtkenşe ǧimarattyŋ bırınşı qabatyndaǧy 200 şarşy metr aumaqtyŋ dymy qalmai janyp ketken.
«Oqiǧa ornyna jūmyldyrylǧan jeke qūram jäne tehnikanyŋ arqasynda tolyǧymen ört 08:15 minutta joiylyp, saldarynan körşı ornalasqan Jeŋıs köşesı 20 tūrǧyn üidıŋ 3 terezesı jäne aulasynda ornalasqan saraidyŋ qūlaǧany anyqtaldy. Qazırgı taŋda örttıŋ şyǧu sebepterı anyqtaluda. Örtke jalpy qatystyrylǧan 10 tehnika men 44 qyzmetker», - deidı Qyzylorda oblystyq TJD ört söndıru kezekşı qyzmetınıŋ jedel kezekşısı Äli Düisebekov.https://www.youtube.com/watch?v=qr24pWzdiFw
«Adyrna» ūlttyq portaly
Ūqsas jaŋalyqtar
