Qaraǵandy oblysynda qaıtadan balalar ýlandy. Oblystaǵy arnaýly áleýmettik qyzmet kórsetý ortalyǵynda balalardyń jappaı ýlaný deregi tirkeldi. Ýlaný kesirinen bir bala kóz jumdy, 6 bala jansaqtaý bóliminde jatyr, dep habarlaıdy "Adyrna" ulttyq portaly.
Balalar 30 shilde kúni ózin nashar sezingen. aldymen ortalyqtaǵy eki bala álsirep, densaýlyǵyna shaǵym aıtqan. Qusyp, ishi ótken. 31 shilde kúni osy mekemedegi taǵy 10 baladan uqsas belgileri bar dert anyqtalyp, aýrýhanaǵa jatqyzyldy.
«Dárigerler jedel sharalar qoldanǵanyna qaramastan balalardyń biri qaıtys boldy. Búgingi tańda alty bala reanımaııada. Qalǵandary dárigerlerdiń baqylaýynda», - dep málimdedi Qaraǵandy oblysy ákiminiń baspasóz qyzmeti.
Aýrýhanaǵa oblys ákimi Ermaǵanbet Bólekpaev barǵan. Onyń oblystyq densaýlyq saqtaý basqarmasynyń basshylyǵymen jáne emdeýshi dárigerlermen jedel keńes ótkizgeni aıtylady.
Oqıǵanyń sebepterin anyqtaý úshin arnaıy komıssııa quryldy.
Qylmystyq is qozǵalyp, jaǵdaı Qaraǵandy oblysynyń arnaıy prokýrorlar basqarmasyna berildi.
Ermaǵanbet Bólekpaev tergeý nátıjesinde jaýapty tulǵalar anyqtalyp, qatań jazalanatynyn atap ótti. Mekeme dırektorynyń mindetin atqarýshy maman qyzmetinen shettetildi.
Qaraǵandy oblysy bala ýlaný deregi boıynsha sońǵy kezderi jıi BAQ betinen túspeıtin boldy. Esterińizde bolsa, Qaraǵandydaǵy balabaqshada balalar sháınektiń qaǵyn tazalaıtyn sýdan ýlanyp qalǵany habarlaǵan edik.
"Adyrna" ulttyq portaly
