Bügın Qazaqstandaǧy 6 qalanyŋ maŋynan "saiajai" üşın tegın 0,12 gektar jer berıletını aityldy. Būl jaily Mäjılıs deputattarynyŋ saualyna jauap bergen Premer-Ministrdıŋ bırınşı orynbasary Roman Skliar mälımdedı, dep habarlaidy "Adyrna" ūlttyq portaly.
Premer-Ministrdıŋ bırınşı orynbasary Roman Skliar Qazaq elınıŋ qai qalalary maŋynan saiajai üşın tegın jer berıletındıgın sanamalap aityp, erejenı tüsındırdı:
«Qazırgı uaqytta qala maŋyndaǧy aimaq alty qalada bekıtılgen: Astana, Almaty, Aqtau, Taraz, Oral jäne Petropavl. Qazaqstan azamattaryna bau-baqşa, sondai-aq saiajai qūrylysy üşın jeke menşıkke auyl şaruaşylyǧy maqsatyndaǧy jerlerden, auyldyq eldı mekenderden jäne qordan 0,12 gektar jer tegın berıledı. Atalǧan maqsatta jer uchaskelerı qaitadan tegın berılmeidı. Būl qūqyqty köp balaly otbasylar da, azamattardyŋ basqa sanattary da paidalana alady», - Roman Skliar.Ükımet basşysynyŋ orynbasary bau-baqşa men saiajai qūru maqsatyndaǧy jer telımderın qalai berıletının naqtylady. Onyŋ aituynşa, tegın jer telımderı qala maŋyndaǧy auyldyq eldı mekenderdıŋ aumaǧy jäne auyl şaruaşylyǧyna jaramdy jerlerden berıledı.
«Saiajai alaptary aumaǧy bau-baqşa, köpjyldyq jemıs nemese jidek daqyldaryn, sondai-aq sändık ösımdıkterdı ösıruge arnalǧan. Būl alaptar mausymdyq paidalanuǧa jaramdy ärı türlı daqyldardy öz qajetıne qarai nemese keiınnen satu üşın ösıruge arnalǧan», - dep atap ötedı bırınşı vise-premer.
"Adyrna" ūlttyq portaly
Ūqsas jaŋalyqtar
