Búgin Qazaqstandaǵy 6 qalanyń mańynan "saıajaı" úshin tegin 0,12 gektar jer beriletini aıtyldy. Bul jaıly Májilis depýtattarynyń saýalyna jaýap bergen Premer-Mınıstrdiń birinshi orynbasary Roman Sklıar málimdedi, dep habarlaıdy "Adyrna" ulttyq portaly.
Premer-Mınıstrdiń birinshi orynbasary Roman Sklıar Qazaq eliniń qaı qalalary mańynan saıajaı úshin tegin jer beriletindigin sanamalap aıtyp, erejeni túsindirdi:
«Qazirgi ýaqytta qala mańyndaǵy aımaq alty qalada bekitilgen: Astana, Almaty, Aqtaý, Taraz, Oral jáne Petropavl. Qazaqstan azamattaryna baý-baqsha, sondaı-aq saıajaı qurylysy úshin jeke menshikke aýyl sharýashylyǵy maqsatyndaǵy jerlerden, aýyldyq eldi mekenderden jáne qordan 0,12 gektar jer tegin beriledi. Atalǵan maqsatta jer ýchaskeleri qaıtadan tegin berilmeıdi. Bul quqyqty kóp balaly otbasylar da, azamattardyń basqa sanattary da paıdalana alady», - Roman Sklıar.
Úkimet basshysynyń orynbasary baý-baqsha men saıajaı qurý maqsatyndaǵy jer telimderin qalaı beriletinin naqtylady. Onyń aıtýynsha, tegin jer telimderi qala mańyndaǵy aýyldyq eldi mekenderdiń aýmaǵy jáne aýyl sharýashylyǵyna jaramdy jerlerden beriledi.
«Saıajaı alaptary aýmaǵy baý-baqsha, kópjyldyq jemis nemese jıdek daqyldaryn, sondaı-aq sándik ósimdikterdi ósirýge arnalǵan. Bul alaptar maýsymdyq paıdalanýǵa jaramdy ári túrli daqyldardy óz qajetine qaraı nemese keıinnen satý úshin ósirýge arnalǵan», - dep atap ótedi birinshi vıe-premer.
"Adyrna" ulttyq portaly
