Qazaqstannyŋ syrtqy ıster ministrlıgı Türkiianyŋ Alaniia aumaǧynda bolǧan jol apatynda zardap şekken qazaqstandyqtar turaly mälımdeme jasady, dep habarlaidy “Adyrna” ūlttyq portaly.
Türkiiadaǧy Qazaqstan elşısı oqiǧanyŋ barlyq män-jaiyn anyqtau üşın Alaniiaǧa bardy.
30 şılde künı taŋerteŋ Alaniiada Qazaqstannyŋ 12 azamatyn tasymaldaǧan şaǧyn avtobustyŋ jol-kölık oqiǧasyna ūşyrady. Türık polisiiasynan alynǧan aldyn-ala mälımet boiynşa, avtobus jürgızuşısı joǧary jyldamdyqpen aldyndaǧy jük kölıgın soqqan. Soqtyǧysu saldarynan zardap şekkender bar, olar şūǧyl türde jaqyn maŋdaǧy auruhanalarǧa jetkızıldı, - delıngen habarlamada.
Türık polisiiasynyŋ aqparaty boiynşa, avtobus jürgızuşısı qatty jyldamdyqpen kelıp, jük kölıgıne soqtyǧysqan. Apat saldarynan zardap şekkender bar, olar şūǧyl türde jaqyn maŋdaǧy auruhanalarǧa jetkızılgen.
Apat kezınde jaraqat alǧan ekı qazaqstandyqqa ota jasalǧan.
Mikroavtobusta bolǧan 12 qazaqstandyqtyŋ ekeuı auyrlyǧy ortaşa jaraqat alǧan. Olarǧa ota jasalyp, barlyq qajettı medisinalyq kömek körsetıledı. Qalǧan 10 otandastyŋ, onyŋ ışınde 4 balanyŋ jaǧdaiy qanaǧattanarlyq, ömırıne eş qauıp joq. Barlyǧynyŋ medisinalyq saqtandyruy bar. Antaliiadaǧy qazaqstandyq diplomattar bızdıŋ azamattarmen tūraqty bailanysta jäne tiıstı jūmys jürgızude, – dep mälımdedı ministrlık ökılderı.
Eske salaiyq, 30 şıldede Alaniiada Qazaqstannyŋ 12 azamatyn tasymaldaǧan şaǧyn avtobus jol apatyna tüskenın habarlaǧan edık. Saldarynan ekı adam köz jūmǧan.
