Soltústik Koreıa óziniń alǵashqy spýtnıgin ǵaryshqa shyǵarý maqsatynda ballıstıkalyq zymyran ushyrdy, biraq zymyran orta jolda jarylyp, teńizge qulady. Ońtústik Koreıa áskeri zymyran jarqynshaqtarynyń Sary teńizden tabylǵanyn rastady. Ońtústik Koreıa Respýblıkasynyń syrtqy ister mınıstri Pak Chjın Soltústik Koreıanyń uzaq qashyqtyqqa ballıstıkalyq zymyran ushyrýyna qatysty málimdeme jasady, dep habarlaıdy "Adyrna" ulttyq portaly.
«Búgin tańerteń Soltústik Koreıa BUU qaýipsizdik keńesiniń qararlaryn aıqyn buzdy. Sondaı-aq Koreı túbeginiń jáne búkil álemniń beıbitshiligi men turaqtylyǵyna qaýip tóndiretin ári soraqy arandatýshylyq sanalatyn «spýtnık ushyrý» degen syltaýmen uzaq qashyqtyqqa ballıstıkalyq zymyran ushyrdy. Biz atalmysh eldiń bul qadamyn aıyptaımyz. Soltústik Koreıa kelissóz ústeline qaıta otyryp, sabasyna túsedi degen úmitimiz bar», - dedi Pak Chjın elimizge sapary barysynda uıymdastyrylǵan baspasóz máslıhatynda.
Ontústik Koreıa áskeri qulaǵan zymyran jarqynshaqtaryn tekserip, taldaý júrgizdi. Taldaýǵa sáıkes, zymyran rasymen de ǵaryshtyq spýtnıkti ushyrýǵa arnalǵandyǵy anyqtaldy.
"Adyrna" ulttyq portaly
