Jalǵan qujat jasap "Altyn alqa", "Kúmis alqa" ıelenip, memleketten járdemaqy alyp kelgen analar anyqtaldy.
Shyǵys Qazaqstan oblysy, Úrjar aýdany, Naýaly aýylynda osyndaı jalǵan qujat jasatyp, zańsyz áreketke bardy degen kúdikpen segiz ana tergelip jatyr. Qylmystyq is qozǵalyp, zań organdary aýdandaǵy ózge de aýyldardy tekserýge kóshti. Bul týraly Qazaqstan telearnasy habarlady.
Jymysqy jolmen járdemaqy alyp kelgen áıelderdi aýyldastary ańǵarǵan. Eki balasy bola turyp, Batyr Ana atanǵandardy kórip ań-tań bolǵan jergilikti turǵyndar ákimshilikke shaǵymdanǵan. Ishinde bir balamen alǵandar da bar eken. Aýyl ákimi jalǵan qujatty ańǵarmaı qaldyq deıdi. Jetpegen balalar Qytaıda turyp jatyr dep aıtty degen soń senip qalǵan. Kúıeýiniń burynǵy áıeliniń Qytaıdaǵy balalaryn da tirketip alǵandar bar eken.
Qazir tergeýdegi segiz adamnyń beseýiniń ústinen qylmystyq is qozǵaldy. Qujatty jasap júrgen 2 adam qamaýǵa alyndy. Jalǵan qujatpen járdem aqy alyp kelgender kóp bolýy múmkin degen kúdikpen qazir barlyq aýyldar tekserilýde.
"Adyrna" ulttyq portaly
