Almatyda turǵyn úıdiń shatyry órtendi, dep habarlaıdy "Adyrna" ulttyq portaly.
Almaty qalasyndaǵy Baıtursynov pen Qurmanǵazy kósheleriniń qıylysynda ornalasqan “Prestıj Alataý” turǵyn úıi men shatyry órtenip jatyr.
Jelide oqıǵa ornynan vıdeolar taralǵan. Kadrlardan turǵyn úı shatyrynyń laýlap janyp jatqanyn baıqaýǵa bolady.
Tótenshe jaǵdaılar departamenti oqıǵa ornynda 25 órt sóndirýshi men birneshe brıgada jumys istep jatqanyn málimdedi.
“Órt 8 qabatty turǵyn úıdiń 7-qabatynan shyqqan. Ony sóndirý jumystary júrgizilip jatyr. Qurmanǵazy kóshesinde kólik qozǵalysy shekteldi. Ázirge zardap shekkender týraly málimet joq”, – delingen habarlamada.
Órt ornynda gaz jáne tútinnen qorǵaý qyzmetiniń bólimsheleri de jumys istep jatyr.
Aıta keteıik, Qostanaıda turǵyn úıden órt shyǵyp, bes balanyń ómirin qyzyl jalyn jalmaǵan.
