Almaty oblysynda şeteldık er adam sauda ortalyǧynda 5 jasar qyz balany tepken, dep habarlaidy “Adyrna”.
23 şılde künı Almaty oblysy Qarasai audanynda ornalasqan "Aport Mall" sauda ortalyǧynda şeteldık azamat öreskel äreketımen kamera tüsıp qalǧan. Beinebaqylau kamerasynda er adamnyŋ äiel men arbadaǧy balasyn ertıp bara jatqanyn anyq köruge bolady. Bır kezde kışkentai qyz arbaǧa jaqyndai bastaidy. Osy sätte er adam arbaǧa jaqyndaǧan büldırşındı teuıp, arbadaǧy säbidı köterıp alǧan.
"Polisiiaǧa 1996 jyly tuǧan azamatşa K. 2019 jyly tuǧan kışkentai qyzyna dene jaraqatyn salǧan belgısız adamǧa qatysty şaralar qabyldau turaly ötınış bıldırdı. Būl derek boiynşa "būzaqylyq" deregımen Qylmystyq kodeksınıŋ 293-babynyŋ 1-bölıgı boiynşa tırkeldı. Jedel-ızdestıru ıs - şaralary barysynda tärtıp saqşylary 1998 jyly tuǧan Türkiia Respublikasynyŋ azamatyn anyqtap, polisiiaǧa jetkızdı", - dedı Almaty oblysy polisiia departamentınıŋ bastyǧy polkovnik Bauyrjan Alenov.
"Qazırgı uaqytta ūstalǧan er adam zaŋnamada belgılengen tärtıppen uaqytşa ūstau izoliatoryna qamaldy. Saraptama taǧaiyndalyp, barlyq qajettı tergeu äreketterı jürgızılıp jatyr. Qylmystyq kodekstıŋ 201-babyna säikes özge mälımetter jariia etuge jatpaidy", - dedı Almaty oblysy polisiia departamentınıŋ basşysy.
Küdıktı jauap alu kezınde bolǧan oqiǧany tolyq aityp, öz kınäsın moiyndap otyr.
Ūqsas jaŋalyqtar
Almaty oblysynda Niu-Iork kinoakademiiasynyŋ filialy men «Atletiko Madrid» futbol akademiiasy aşyldy
