Pýtınniń Polsha jerine qatysty pikir bildirip, kezindegi Stalınnen qalǵan syılyq ekendigin habarlaǵan málimdemesinen keıin daý týdy. "Stalınniń syıy týraly" aıtqan sózine baılanysty Reseı elshisi Polsha syrtqy ister mınıstrligine shaqyrylatyn boldy, dep habarlaıdy "Adyrna" ulttyq portaly.
Bul týraly Polsha premer-mınıstri Mateýsh Moravekıı Tvıtterde habarlady.
Bir kún buryn Reseı prezıdenti Vladımır Pýtın Qaýipsizdik Keńesinde sóz sóılep, Polsha KSRO men Iosıf Stalınniń ustanymynyń arqasynda "Batystyń aýqymdy jerin, Germanııa jerlerin aldy" dep málimdedi. Iaǵnı, Pýtın bul aýmaqtardyń "Stalınniń polıaktarǵa bergen syıy" ekenin aıtty.
Osydan keıin Moravekıı Stalındi "júz myńdaǵan polıaktardyń ólimine kináli áskerı qylmysker"dep atady.
"Tarıhı shyndyq - kúmánsiz. Reseı Federaııasynyń elshisi SIM-ge shaqyrylady", - dep jazdy polıak premer-mınıstri.
Oraıy kelgende aıtqa keteıik, "álemge syı-cyıapat" úlestirgish Reseı bıligi Qazaqstan aımaǵyn da bir kezdegi ózderiniń syılyǵy ekendigin aıtqan.
«Qazaqstannyń jeri – bul Reseı tarapynan jasalǵan syılyq», - deıdi Reseı memlekettik dýmasynyń depýtaty Vıacheslav Nıkonov. Nıkonov bul sózderin reseılik «Birinshi arnada» ótken «Úlken oıyn» baǵdarlamasynda aıtty.
«Qazaqstan degen jer múlde bolmaǵan. Qazirgi soltústik aımaǵynda adam turmaǵan. Halyqtyń basym bóligi ońtústik jaqtarda ǵana bolǵan. Qazaqstannyń qazirgi jeri Keńes odaǵy men Reseıdiń jasaǵan syılyǵy»,-dedi V. Nıkonov. Sonymen qatar ol Reseı barlyq eldi jaýlap alǵan degenmen kelispeıtinin bildirdi.
"Adyrna" ulttyq portaly
