2022 jylǵy qańtarda jappaı tártipsizdik saldarynan zardap shekken ShOB sýbektilerine keltirilgen shyǵyndardy óteý úshin aımaqtyq komıssııanyń kezekti otyrysynda 337,4 mln teńge somasyna 204 ótinim maquldandy.
Onyń ishinde 208,3 mln teńge somasyna 111 ótinim «Jańa Alataý» qaıyrymdylyq qory arqyly jiberildi (Memlekettik kirister departamentiniń derekteri boıynsha aınalymy joq 3 mln teńgege deıingi shyǵyn somasy bar kásipkerler úshin); 93 kásipkerge 129,1 mln teńge somasynda ótemaqy bıýdjetten tólenetin bolady (aınalym boıynsha resmı derekterge sáıkes, esep aıyrysýdyń ońaılatylǵan formýlasy boıynsha málimdelgen shyǵynnyń tolyq somasyna). Komıssııa jumysy bastalǵannan beri barlyǵy 370,3 mln. teńge somasyna 221 ótinim maquldandy.
Komıssııa jumysy jalǵasýda. Kásipkerlerdiń ótinimderi usynylǵan qujattardyń tolyqtyǵyna oraı muqııat zerdelenedi jáne Komıssııa músheleriniń ashyq daýys berýleri arqyly qaralady.
Eske salsaq, buryndary aımaqtyq komıssııa zalaldy óteý tetigindegi kemshilikterdi anyqtap, óziniń jaqsartý sıpatyndaǵy usynystaryn engizgen bolatyn. Osylaısha, tólemderdiń shekti somasy 5 mln teńgege deıingi jeńildetilgen tetik boıynsha zalaldy óteý tetigi kózdelgen. Bul zardap shekken bıznes sýbektilerin qamtýdy edáýir keńeıtýge jáne ótemaqy tóleýdi jedeldetýge múmkindik beredi.
Memlekettik bıýdjet qarajatymen qatar qorlardyń jeke qarjysynan da tólemder qarastyrylǵan. Ótemaqy tóleý tetigin jetildirý jónindegi jumys jalǵasýda.
"Adyrna" ulttyq portaly
