Mäjılıs spikerı, «AMANAT»partiiasynyŋ töraǧasy Erlan Qoşanov «Jastar Ruhy» jastar qanaty ūiymdastyrǧan elordadaǧy Arbatta bosjūmys oryndary järmeŋkesıne qatysty. Is-şara Eŋbek jäne halyqty äleumettık qorǧau ministrlıgınıŋ qoldauymen öttı.
Memleket basşysy Qasym-Jomart Toqaevtyŋ jäne «AMANAT» partiiasynyŋ sailaualdy baǧdarlamasynda jastardy qoldau mäselesıne basa män berılgen. Onda 2029 jylǧa deiın 2,3 million jasty jūmysqa ornalastyru mındetı qoiyldy.
Osy oraida, partiianyŋ «Jastar Ruhy»jastar qanaty «Jastarǧa jūmys» jobasyn jüzege asyryp otyr. Jobanyŋ negızgı baǧyttarynyŋ bırı – bos jūmys oryndaryjärmeŋkesın ötkızu. Järmeŋke 10-20 şılde aralyǧynda elımızdıŋ barlyq öŋırınde ūiymdastyrylady.
Erlan Qoşanov elordadaǧy bos jūmysoryndary järmeŋkesıne qatysyp, jastarmen jäne äleuettı jūmys beruşılermen äŋgımelestı.
«Bügınde jastar qauymyn tolǧandyratyn negızgı mäselenıŋ bırı – jūmysqa ornalasu. Jastardyŋ qalauy menäleuetıne sai keletın laiyqty jūmys tabuöte maŋyzdy. Būl olardyŋ öz qabılet-qarymyn şyŋdaudyŋ, otbasy men eldıŋ igılıgı üşın adal eŋbek etuınıŋ alǧyşarty. «Jastarǧa jūmys» jobasy, mıne osyǧan baǧyttalǧan. Būl bastama jastardyŋ jūmys tabuyn qoljetımdı, aşyq ärı yŋǧaily etedı», – dedı partiia töraǧasy.
Erlan Qoşanov partiia janyndaǧy jastar qanatynyŋ basty maqsaty – memleket ūsynatyn mümkındıkterdı qalai paidalanuǧa bolatynyn jastarǧa tüsınıktı tılde sauatty ärı jan-jaqty tüsındıru ekenın atap öttı.
«Jastarǧa jūmys» bos jūmys oryndary järmeŋkesı bır tereze qaǧidaty boiynşa jūmys ısteidı. Onda ızdenuşı bos jūmys oryndarynyŋ bar-joǧyn bılıp qana qoimai, sol jerde qajettı mälımet alyp, jūmys jaǧdaiyn naqtylai alady. Järmeŋkede jūmysqa ornalastyrudan bölek, jastardy äleumettık qoldauǧa qatysty memlekettık barlyq baǧdarlama boiynşa keŋes berıledı. Iаǧni, baspana aludan bastap, emdeluge, jeke käsıp bastauǧa jäne bılım aluǧa qatysty baǧyt-baǧdar ūsynylady.
Joba aiasynda jyldyq mölşerlemesı2,5%-dy qūraityn nesielendıru, tau-ken önerkäsıbınde 2 myŋ bos jūmys ornyn qūru, jas mamandardy IT-daǧdysyna üiretu üşın 3 myŋ vaucher bölu jäne taǧy basqa bastamalar qarastyrylǧan.
Elordadaǧy bos jūmys oryndaryjärmeŋkesı Arbatta – aşyq aspan astynda ūiymdastyryldy. Būl – jastar qauymy köp jinalatyn körnektı oryn. Memlekettık organdar, kvazimemlekettık sektor jäne jeke kompaniialar arasynan 70-ten astam jūmys beruşı 1300-ge juyq jūmys ornyn ūsyndy. Olardyŋ arasynda QazAgroQarjy, Qazpoşta, Samruk-Kazyna Construction, Qazaqstan temırjoly, Samūryq-Energo jäne özge de kompaniialar bar. Is-şaraǧa 2000-nan astam adam qatysty.
«Jastarǧa jūmys» jobasy 2023 jyldyŋqaŋtarynda bastau aldy. Jarty jylda el aumaǧynda 120-dan astam bos jūmys oryndar järmeŋkesı ūiymdastyrylyp, oǧan 90 myŋnan astam adam qatysty. Onyŋ ışınde, 18,6 myŋ jas jūmysqa ornalasuǧa joldama alyp ülgerdı. Elımızdegı 3000-nan astam ırı jäne şaǧyn käsıporyndarmen jastardy jūmysqa ornalastyru jönınde uaǧdalastyqqa qol jetkızıldı.
Eske sala keteiık, būǧan deiın «AMANAT»partiiasy Eŋbek jäne halyqty äleumettık qorǧau ministrlıgımen bırge jastardy nätijelı jūmyspen qamtuǧa baǧyttalǧan «Jastarǧa jūmys» jobasyn jüzege asyru boiynşa bırlesken ıs-qimyl josparyn äzırlegen edı.
Surettı tüsırgen Äli Ǧalym
