12 mausym künı Ükımette jedel jiyn öttı. Premer-Ministr Älihan Smaiylov jäne ministrler Abai oblysyndaǧy örttı joiu jäne odan zardap şekken otbasylarǧa qajettı qoldau şaralaryn körsetu mäselelerın talqylady, dep habarlaidy "Adyrna" ūlttyq portaly primeminister.kz saityna sılteme jasap.
Keŋes tötenşe jaǧdai kezınde qaza tapqandardy bır minut ünsızdıkpen eske aludan bastaldy.
Älihan Smaiylov 10 kün ışınde oqiǧanyŋ barlyq män-jaiyn anyqtap, tiıstı qorytyndy jasaudy tapsyrdy.
Memleket basşysynyŋ Abai oblysyndaǧy jedel ştab otyrysynda bergen tapsyrmalaryn oryndau üşın qaza tapqandardyŋ otbasylaryna «Qazaqstan halqyna» qorynan 7 mln teŋgeden, sondai-aq kämeletke tolmaǧan är balaǧa 2 million teŋgeden tölenetın bolady. Būdan bölek, qaza tapqandardyŋ otbasylaryna jäne zardap şekkenderge qajettı qoldau şaralaryn körsetu maqsatynda arnaiy qor qūryldy.
Sonymen qatar 40-tan astam qazaqstandyq JOO örtten zardap şekken otbasylardyŋ studentterıne granttar men jataqhanadan oryn beruge daiyn. Oǧan qosa aqyly negızde oqityn studentter men magistranttardy grantqa auystyru közdelgen.
Ükımet basşysy tabiǧatty qorǧaudy küşeitu üşın bırqatar şaralardy qolǧa alu qajet ekendıgın aitty. Atap aitqanda, beinebaqylau jäne monitoring jüielerın engızudı, materialdyq jäne tehnikalyq tūrǧydan jaraqtandyru qajettıgın atap öttı.
Eske sala keteiık, 8 mausym künı Abai oblysyndaǧy orman örtke orandy. Örtpen küreske tüsken 14 ormanşy qaza tapty. Abai oblysy äkımınıŋ orynbasary Dimitrii Garikovtyŋ aituynşa, ört 2 ret tüsken naizaǧaidan tūtanǧan.
12 mausym elımızde Aza tūtu künı bolyp jariialandy.
Alapat örtpen küres älı jürıp jatyr.
"Adyrna" ūlttyq portaly
Ūqsas jaŋalyqtar
Abai oblysy
örtke oranǧan
QR Premer-Ministrı Älihan Smaiylov
semeidegı ört
qazaq tapqan ormanşylar
“Qazaqstan halqyna” qory
