Astananyń Ákimshilik quqyq buzýshylyq ister jónindegi mamandandyrylǵan aýdanaralyq soty keshe Almaty qalasynyń ákimi, «Nur Otan» (qazirgi «Amanat») partııasy tóraǵasynyń birinshi orynbasary qyzmetin atqarǵan Baýyrjan Baıbektiń ákesi Qydyrǵalı Baıbekke qatysty isti qarady, - dep habarlaıdy "Adyrna" portaly.
Sot ÁQBtK-niń 319-baby boıynsha – jer ýchaskesine tıisti quqyǵynsyz óndiristik, turǵyn úı, sharýashylyq, gıdrotehnıkalyq (sý) nemese sharýashylyq-turmystyq obektilerdi zańsyz salý faktisi boıynsha is qozǵady.
«Sot kabınetinde» jarııalanǵan sot sheshimine sáıkes, Qydyrǵalı Baıbek astanalyq SKD birinde turǵyn emes úı-jaıǵa kirý úshin esik ornatqan. Bul rette ol qurylysty baqylaýdy júzege asyratyn ýákiletti organǵa habarlamaı, ákimshilik kodeksti buzǵan.
«Sot otyrysynda Q.M.Baıbek óz kinásin tolyq moıyndady», - delingen sot qaýlysynda.
Aıta keteıik, buǵan deıin Qydyrǵalı Baıbektiń 51 750 teńge aıyppul arqalaǵanyn málimdegen bolatynbyz.
