Bügın Almaty qalasyndaǧy Aleksandr Nevskii şırkeuınıŋ aulasyna Aleksandr Nevskiidıŋ eskertkışı qoiyldy, dep habarlaidy Adyrna.kz aqparattyq portaly.
Aleksandr Nevskiidıŋ eskertkışı bügın saǧat 11-00 şamasynda arnaiy jük kölıgımen şırkeu aulasyna jetkızıldı. Qazır aldyn-ala daiyndalǧan tūǧyrtasqa eskertkıştı ornatu jūmystary jürgızılıp jatyr.
Bızdıŋ tılşıler sol maŋda jürgen dıni kiımdegı, aty-jönın ataudan bas tartqan azamatqa bırqatar sūraqtaryn qoiǧan edı.
- Prezident qol qoidy. Äkımşılık aula syrtyna qoiuǧa rūqsat etpegenımen, ışıne qoiuǧa rūqsat berdı. Būl jer jekemenşıktegı aumaq sanalady. Endı mıne, äulie Aleksandr Nevskiige eskertkış qoiyp jatyrmyz.
- Eskertkıştıŋ aşylu saltanaty qaşan ötedı?
- Erteŋ, 12-00-de.
- Eskertkıştıŋ demeuşılerı bar ma? Kım qarjylandyrdy?
- Qarjy şırkeuge ǧibadat etuge keluşılerden jinaldy. Köptıŋ sadaqaǧa bergen aqşasynyŋ basyn qosyp, äulie Nevskiige eskertkış ornatudy şeştık. Kım qanşa aqşa bere alady, sony aldyq. Eşkımdı qinaǧan joqpyz. Aleksandr Nevskii — äulie adam, ol monah. Bız ony batyr dep emes, qasiettı äulie adam retınde tanimyz.
Şırkeu qyzmetkerı tılşımızdıŋ basqa sūraqtaryna jauap beruden bas tartty.
Būǧan deiın, atalǧan şırkeudıŋ resmi taratqan aqparattarynda eskertkış Resei Federasiiasy prezidentınıŋ kömekşısı, būrynǧy mädeniet ministrı, professor V. Medinskiidıŋ bastamasymen jäne qarjylai kömek körsetuımen jasalyp jatqany aitylǧan bolatyn. Eskertkış avtory Resei suretşıler akademiiasynyŋ akademigı, Reseidıŋ Halyq suretşısı, professor S. Şerbakov ekenı belgılı bolǧan.
Erteŋ, 13 şılde künı köptıŋ narazylyǧyna qaramastan, şırkeu aulasynda Aleksandr Nevskiidıŋ eskertkışı aşylady. Aşylu saltanatyna Astana jäne Qazaqstannyŋ mitropolitı Aleksandr qatysady dep kütılude.
Būdan aldyn tarihşy Nūrlan Atyǧaev BAQ-qa bergen sūhbatynda myna jaidy aitqan bolatyn. "2021 - 2022 jyldary Orystyŋ pravoslav şırkeuı Almaty äkımdıgıne qalanyŋ qoǧamdyq aumaǧyna biıktıgı 5 metrlık Aleksandr Nevskiidıŋ eskertkışın ornatu bastamasymen jügıngen bolatyn. Zaŋ talaptaryna säikes, Almaty qalasynyŋ tarihi jäne mädeni eskertkışterın qorǧau jönındegı komissiia būl mäselenı bırneşe ret qarady. Ol otyrystarǧa komissiia müşesı bolǧandyqtan men de qatysqanmyn. Pravoslav şırkeuı ökılderınıŋ Aleksandr Nevskiige arnap eskertkış ornatu jönındegı ötınışı üş ret kerı qaitarylǧany naqty esımde. Soŋǧy ret komissiia osy jyldyŋ mamyr aiynda eskertkıştı ornatudan bas tartqan edı. Osy oraida, menıŋ özım de, ärıptesterım de ūsynylǧan eskertkıştıŋ Almatynyŋ sondai-aq jalpy Qazaqstannyŋ tarihyna qatysy joq ekenın atap aitqanbyz. Būǧan qosa, qala aumaǧynda eskertkışterdı ornatuǧa arnalǧan bos jer uchaskelerı joq desek te bolady. Sondyqtan Qazaqstannyŋ keibır tarihi tūlǧalaryna, mysaly, qazaq handaryna, batyrlaryna jäne t.b. eskertkışter älı ornatylǧan joq. Tıptı eskertkış qoiu turaly Ükımet qaulylary şyqqan tūlǧalar da bar. Alaida, qarajat pen jer uchaskelerınıŋ bolmauyna bailanysty olarǧa eskertkışter älı ornatylmady. Nevskiidıŋ eskertkışıne qatysty ärıptesterımnıŋ tarapynan özge de bırqatar eskertpe aityldy. Eskertkıştıŋ proporsiiasy boiynşa da eskertpeler bolǧany esımde. Osyndai sebepterdıŋ negızınde de ūsynys qabyldanbady,"- deidı tarihşy. Nūrlan Atyǧaev būǧan qosa bylai tolyqtyra kettı. "Menıŋ bıluımşe, olarǧa ıs jüzınde eşqandai rūqsat berılgen joq. Qazaqstannyŋ pravoslav şırkeuı eskertkıştı özınıŋ aumaǧynda, iaǧni şırkeu aulasynda ornatuǧa şeşım qabyldaǧan. Älbette, mūndai jaǧdaida resmi rūqsat berılmeidı ärı eskertkış ornatu mäselesı de bızdıŋ komissiianyŋ qūzyretıne kırmeidı. Jalpy būl – keŋ taralǧan täjıribe,"- deidı tarihşy Nūrlan Atyǧaev.Qanat Bırlıkūly
«Adyrna» ūlttyq portaly
