Jambyldyq poliseiler oblys boiynşa keŋ auqymdy jūmystar jürgızude

Jambyl oblysynyŋ aumaǧynda "Avtomobil" respublikalyq jedel-aldyn alu ıs-şarasy aiasynda mereke jäne demalys künderı keŋ auqymdy jergılıktı tekseru jūmystary ötkızıldı. Is- şaranyŋ negızgı maqsaty -jol qauıpsızdıgı profilaktikasy boiynşa jūmysty jandandyru, jol qozǧalysy erejelerın būzuşylyqtardyŋ, onyŋ ışınde qoǧamdyq kölık jürgızuşılerı tarapynan būzudyŋ jolyn kesu, kölık qūraldarynyŋ joldaǧy qozǧalys tärtıbın arttyru jäne jol qozǧalysy erejelerınıŋ saqtaluyn baqylau. Is-şaraǧa 500-den astam polisiia qyzmetkerı jäne 155 qyzmettık kölık qūraly jūmyldyryldy. Polisiia qyzmetkerlerı jol qozǧalysyn baqylaudy küşeittı. Oblystyq patruldık polisiia batalonynyŋ qyzmetkerlerı de respublikalyq maŋyzy bar avtojoldarda reidtık tekseru jūmystaryn jürgızdı. Jol erejelerın būzǧan jürgızuşılerdı anyqtauǧa "Dron" ūşu apparatynyŋ kömegı tidı. Drondardyŋ maqsaty jol qozǧalysy erejelerınıŋ öreskel būzyluyna, köbıne qarsy qozǧalys jolaǧyna şyǧu derekterın anyqtauǧa baǧyttalǧan . Öŋırdegı aumaqtarda jürgızılgen jūmys nätijesınde üş täulık ışınde 2540 äkımşılık qūqyq būzuşylyq deregı anyqtaldy. Mäselen, 77 jürgızuşı kölık basqaruda belgılengen qozǧalys jyldamdyǧyn asyrǧan. Būl rette 589 jürgızuşı qauıpsızdık beldıgın taqpaǧan, al 38 jürgızuşı tiıstı qūjattarsyz kölık qūralyn basqarǧan. Sonymen qatar, joldy belgılenbegen orynnan kesıp ötken 239 jaiau jürgınşı anyqtaldy. Patruldık polisiia batalonynyŋ qyzmetkerlerı jol qozǧalysy erejelerın öreskel būzu derekterınıŋ jolyn kestı, onyŋ ışınde mas küiınde kölık qūralyn basqarudyŋ 14 deregı anyqtaldy. - Būl ıs-şara jürgızuşıler men jaiau jürgınşılerdıŋ joldaǧy qozǧalys tärtıbın saqtamaityndyǧyn taǧy da körsettı, al onyŋ saldary jol-kölık oqiǧalary tuyndauynyŋ negızgı faktory bolyp tabylady. Üzdıksız jürgızılıp jatqan auqymdy aldyn alu jäne aqparattyq- tüsındıru jūmystaryna qaramastan, azamattar belgılengen ereje talaptaryn būzudy jalǧastyruda. Azamattarymyz joldaǧy jauapkerşılıktıŋ maŋyzdylyǧyn jäne jol erejelerın saqtau qajettılıgın barynşa tüsınuı kerek. Osy nemese basqa da qūqyq būzuşylyq qandai saldarǧa äkeluı mümkın ekenın eşqaşan boljauǧa bolmaidy. Oilanbai jasalǧan ärekettıŋ saldary öte auyr boluy mümkın, - dep atap körsettı Jambyl oblysynyŋ Polisiia departamentı Jergılıktı polisiia qyzmetı basqarmasy bastyǧynyŋ mındetın atqaruşy polisiia podpolkovnigı Manas Äbdıkärımov.