Aqmola oblysy densaulyq saqtau basqarmasynyŋ būrynǧy basşysy men käsıpker toǧyz jylǧa bas bostandyǧynan aiyryldy, dep habarlaidy “Adyrna” Qazinformǧa sılteme jasap.
Densaulyq saqtau salasynda qylmysqa jol bergenderdıŋ bırı alaiaqtyqqa kömekteskenı üşın, ekınşısı – tıkelei asa ırı kölemde alaiaqtyq jasaǧany üşın sottalǧan.
Oblystyq sottyŋ baspasöz qyzmetı habarlaǧandai, aiyptaluşylar arasynda Burabai audanyndaǧy densaulyq saqtau nysandaryn senımgerlık basqaruǧa beru turaly şart jasalǧan.
Ortaq şartqa säikes serıktestık standarttar men tehnikalyq şarttarǧa, sapa körsetkışterıne, sondai-aq därılık zattar men preparattar, medisinalyq maqsattaǧy būiymdardy, farmasevtikalyq qyzmetterdı satyp aludy ūiymdastyru jäne ötkızu qaǧidalary men Kodekstıŋ talaptaryna säikes keletın jaŋa ärı būryn qoldanysta bolmaǧan medisinalyq tehnikany satyp aluǧa mındettelgen.
Alaida ekı tarap 1 milliard teŋgeden astam qarajatty iemdenıp, talapqa sai emes medisinalyq qūral-jabdyqtardy jetkızıp, sonyŋ saldarynan memleketke asa ırı kölemde zalal keltırgenı belgılı boldy.
«Sot jaza taǧaiyndau kezınde jauaptylyqty auyrlatatyn män-jailardy nazarǧa aldy: K. jäne İ. lauazymdy adamdar bola otyryp, ant ışıp, qyzmettık babyn paidalanyp, qylmys jasap, materialdyq zalaldy ötemegen. Sot ükımımen K. men İ. ömır boiyna memlekettık qyzmette lauazymdardy atqaru qūqyǧynan aiyra otyryp, ärqaisysyna 9 jyl bas bostandyǧynan aiyru jazasy taǧaiyndaldy. Sonymen qatar, K.-nyŋ mülkı – avtokölık tärkılendı», - dep tolyqtyrdy vedomstvodan.
Tolyqtyryp öteiık, ötken jyly būl ıs boiynşa aiyptaluşylardyŋ bırı, Aqmola oblysy densaulyq saqtau basqarmasynyŋ būrynǧy basşysy basqa ıs boiynşa sottalǧan edı. Sodan keiın elde jariialanǧan tötenşe jaǧdai kezınde biudjet qarajatyn jymqyrǧany üşın oǧan jäne JŞS direktoryna segız jylǧa bas bostandyǧynan aiyru jäne 86,8 million teŋge materialdyq şyǧyndy öteu taǧaiyndaldy.
Ūqsas jaŋalyqtar
