17 qaraşa taŋerteŋ Almatydaǧy Sairan kölı audanynda jergılıktı tūrǧyndar qatty jarylys dauysyn estıgen. Törǧyndar oqiǧa kezınde bırqatar üilerde öşkenın äleumettık jelıde jazdy, dep habarlaidy "Adyrna" portaly Tengrinews.kz saityna sıltep.
Auezov audanynda tūratyn tūrǧyndar şamamen saǧat 09:00-de qatty dybys estıgen.
"Qatty jarylys boldy. Ärı qarai qalada bırşama uaqyt jaryq bolmaityn siiaqty", – deidı kuägerler.
Sonymen qatar, Abai daŋǧyly men Altynsarin köşesınıŋ qiylysynda barlyq baǧdarşamdar bır mezette jūmysyn toqtatyp, jolda qozǧalys qiyndaǧany habarlandy.
"Qazır baǧdarşam qaita jūmys ıstep tūr, qozǧalysty retteuge tyrysyp jatyr", – dep jazdy oqiǧa kuägerı.
Qalalyq Tötenşe jaǧdailar departamentı oqiǧaǧa qatysty mälımet taratty. Departamenttıŋ aituynşa, 08:53-de Ötegen batyr köşesınde transformatordyŋ örtenıp jatqany turaly habarlama tüsken.
"Oqiǧa ornyna ört söndıruşıler jıberıldı. Barǧan kezde transformatorlyq stansada 0,2 şarşy metr aumaqta aşyq jalyn bolǧany anyqtaldy. Elektr jelısı qyzmetkerlerı nysandy toqtan ajyratty", – delıngen habarlamada.
Qazırgı uaqytta elektr energiiasyn beru tolyq qalpyna keltırılgenı atap ötıldı.
