Jelide Semeıdegi órtten qalǵan aǵashtardy tasyp bara jatqan kóliktiń sýreti tarady, dep jazady "Adyrna". Jeli qoldanýshylary sýretke túrli pikir bildirdi.
Facebook jelisinde Erkejan Tursynbaeva esimdi qoldanýshy Shyǵys Qazaqstandyq nómirdegi kólikke tıelgen aǵash bórenelerdiń sýretin jarııalady. Aıtýynsha sýret búgin, 14 maýsymda taraǵan. Naqty málimetter belgisiz deıdi avtor.
Jeli qoldanýshylary sýret týraly "bul órtten keıingi urlyq, kóleńkeli ekonomıkalyq bıznes", "aǵashpen aınalysatyndardyń qasaqana tirlikteri boldyma sonda", "osylar órtegen" dep pikir bildirýde.
Buǵan deıin Abaı oblysynda 60 myń gektardy sharpyǵan orman órti oryn alǵany belgili. Órt saldarynan 15 adam qaza tapty.
