Premer-mınıstr Álıhan Smaıylov jylý maýsymyna daıyndyq máselesin talqylaǵan keńes ótkizdi. Ortalyq memlekettik organdar men oblys ákimdikteri basshylarynyń qatysýymen aldaǵy jylý berý maýsymyna daıyndyq máseleleri talqylandy. Úkimet basshysy birqatar jylý berý nysandaryn jóndeý jumystary turalap, ýaqytynan keshigip jatqanyn habarlady, dep jazady "Adyrna" ulttyq portaly.
Úkimet basshysy jylý maýsymyna daıyndyq máselesine kelgende sergektik tanytýdy tapsyrdy. Óıtkeni qazirdiń ózinde birqatar problemalyq máseleler tóbe kórsetken. Máselen, úkimet basshysynyń habarlaýynsha, birqatar obekt boıynsha jóndeý jumystary merziminen keshigip júrip jatyr.
«Bul máseleni biz jaqynda ótken Úkimet otyrysynda talqyladyq. Degenmen ózara úılesimdi, birlesken is-qımyldy budan da kúsheıtý qajet. Sondyqtan osy jumystardyń barlyǵyn taǵy da muqııat qarap, tikeleı sheshim qabyldaımyz», – dedi Álıhan Smaıylov.
Keńeste premer-mınıstr jylý maýsymyna daıyndyqtyń áleýmettik zor salmaǵy bar ekenin aıtyp, qazirden iri apattardyń aldyn alýǵa qamdanýdy, aldaǵy jylý maýsymynyń shashaýyn shyǵarmaı, turaqty ótýin qamtamasyzdandyrýdy mindettedi.
«Atap aıtqanda, JEO jáne jeliler ıelerimen tikeleı, tyǵyz jumys jasaý mańyzdy. Memleket tarapynan stanııalardyń ótinimderine sáıkes tarıfter bekitildi. Bul qarjylandyrýdy tartýǵa jáne jańǵyrtý jumystaryn bastaýǵa múmkindik beredi», — dedi Álıhan Smaıylov.Sondaı-aq Úkimet basshysy energetıka salasyn baqylaýdy kúsheıtýdiń jáne tıisti óńirlik shtabtar jumysynyń mańyzyn atap ótti.
Sonymen qatar, úkimet basshysy birinshi vıe-premer Roman Sklıarǵa jáne energetıka mınıstri Almasadam Sátqalıevtiń Ekibastuz JEO-sy men Rıdder jáne Kentaý JEO-laryna baryp, jaǵdaıdy óz kózimen kórýdi tapsyrdy.
"Adyrna" ulttyq portaly
