Forým shóbi shúıgin, sýy mol Eńbekshiqazaq aýdanyndaǵy Asy jaılaýynda uıymdastyryldy.
Shara barysynda óńirimizdiń sharýalary, kásipkerler aýyl sharýashylyǵy ónimderinen kórme qoıdy. Munda túıeniń keptirilgen sútinen bastap, maldyń jem-shóbi, mıneraldy, organıkalyq tyńaıtqyshtarǵa deıin bar.
Kórmeni tamashalaǵan oblys ákimi Marat Sultanǵazıev kópshilik aldynda sóz alyp, óńirde aýyl sharýashylyǵyn damytý úshin qolǵa alynǵan sharalar jaıly aıtty. Eń aldymen ol jurtshylyqty Qurban aıt merekesimen quttyqtady.
«Aýyl Amanaty» memlekettik baǵdarlamasy aıasynda aýyl halqynyń tabysyn arttyrý maqsatynda oblys boıynsha 8,3 mlrd. teńge bólindi. Osy qarajatty tıimdi paıdalaný úshin ár óńirdiń ereksheligine sáıkes aýyl sharýashylyǵy salasyn damytýymyz qajet. Endigi jyly bul baǵdarlamaǵa 14 mlrd teńge qarjy bólinedi dep josparlanyp otyr. Oblys boıynsha tórt túlik maldyń 65%-y 133 jaılaýda jaıylady. Jaıylymdar týraly zańǵa sáıkes, 2023-2024 jyldarǵa arnalǵan jaıylymdardy basqarý jáne olardy paıdalaný jospary boıynsha ár aýdan ákimdigi jumys jasap jatyr", - dedi Marat Sultanǵazıev.
Sondaı-aq forýmda agrarlyq salada birneshe jyl eńbek etken birqatar mamanǵa "Qurmetti azamat" ataǵy jáne "Alǵys hattar" tabys etildi.
Jaılaýda ulttyq oıyn túrlerinen jarys ta uıymdastyryldy.
