Aşylu saltanatyna Qazaqstannyŋ belgılı qoǧam qairatkerlerı, ǧalymdary qatysty.
Mausymnyŋ 3, taŋerteŋ Tölebaev köşesı, №98 mekenjaiynda, ekonomika ǧylymdarynyŋ doktory, professor, Qazaqstan Respublikasy Ūlttyq ǧylym akademiiasynyŋ akademigı, Qazaqstan Respublikasynyŋ eŋbek sıŋırgen ǧylym jäne tehnika qairatkerı Köpjasar Närıbaevqa arnalǧan eskertkış taqtanyŋ saltanatty aşyluy boldy.
Bügın ol 85 jasqa tolar edı, Köpjasar Närıbaev būl üide 1985-2020 jyldar aralyǧynda tūrǧan. Belgılı ūstaz jäne jastardyŋ tälımgerı, Qazaqstan Respublikasynyŋ qoǧam jäne memleket qairatkerı, Qazaqstannyŋ Joǧary jäne orta arnauly bılım ministrı (1983-1987), Joǧarǧy Keŋestıŋ deputaty boldy. H jäne HI sailanǧan Qazaq KSR Keŋesı, 10 jyl boiy äl-Farabi atyndaǧy QazŪU-dy 1991-2001 jyldar aralyǧynda basqardy. Joǧary ǧylymi jetıstıkterı jäne köptegen şeteldık ǧylymi jäne oqu oryndarymen halyqaralyq yntymaqtastyqty damytudaǧy sıŋırgen eŋbegı jäne bırneşe halyqaralyq şeteldık ǧylym akademiialarynyŋ tolyq müşesı. 300-den astam ǧylymi eŋbekterı, onyŋ ışınde 30 kıtap pen monografiialar, 15 broşiuralar şyǧarǧan.
Eskertkış taqtanyŋ aşylu saltanatyna Qazaqstannyŋ belgılı qoǧam qairatkerlerı, ǧalymdary qatysty.
– Köbekeŋ san qyrly daryn iesı, öleŋ şyǧarǧan. Ol ömırınıŋ ekı kezeŋge bölıngenın aitatyn: 1986 jylǧa deiın jäne odan keiıngı. Eŋ jemıstı kezeŋı – äl-Farabi atyndaǧy QazŪU rektory bolǧan uaqyty. – Men ol jyldary QazŪU-da qyzmet ettım, fakultet dekany boldym. Men kezekşılık kezınde ol kısımen köp äŋgımeleskenımde, onyŋ aqyl-oiynyŋ qanşalyqty biık ekenıne közım jetetın. Būl sirek kezdesetın qasiet. Ol maǧan, bızdıŋ universitette bız üşın öte maŋyzdy ekı fakultet bar, ol - tarihi jäne filologiialyq fakultetter. Öitkenı olar Qazaqstan tarihyn jäne qazaq tılın, qazaq ädebietın, iaǧni ūlt tarihyn, tılın, ädebietın oqytatyn fakultetter deitın. Ol kısı fakultetımızge köp kömektestı... Köbekeŋ ǧajap tūlǧa, naǧyz memleket qairatkerı edı.Köpjasar Närıbaevtyŋ şäkırtı, ärı ärıptesı, ekonomika ǧylymdarynyŋ doktory, professor Erjan Jatqanbaev: «Men Köbekeŋmen 20 jyl qyzmettes boldym, onyŋ jerlesı, tuysy bolmasam da, ömırde maǧan köp kömegın tigızdı», - deidı.
– Köbekeŋ menıŋ tälımgerım boldy, sol kısınıŋ arqasynda 20 jylda 46 ǧylym doktory men kandidatyn daiyndadym. «Prezident maǧan ūjymdy saqtap qaluǧa, universitetke bas köz boludy tapsyrǧan edı, men ony oryndaimyn» degen bolatyn. Rektor bolǧan kezınde QazŪU-dyŋ aumaǧyn saqtap qaldy, būl onyŋ jauapkerşılıgın körsetedı. Adamdardy qatty qūrmetteitın, ūjymdy baǧalaityn. Keide köşede QazŪU-dyŋ prorektory bolǧan kezdegı eŋbegım üşın alǧys aitatyn adamdardy kezdestıremın. Olarǧa aitarym, maǧan emes, rektor Köpjasar Närıbaevqa rahmet aitu kerek, ol kısı tynyş jūmys ısteuge, jalaqyny uaqytynda aluǧa mümkındık beretın qadamdarǧa bardy. Universitette köptegen igı ıster atqarylǧany Köpjasar Närıbaiūlynyŋ arqasynda boldy».Eskertkış taqtanyŋ aşylu saltanatynan keiın Köpjasar Närıbaevtyŋ ūly Marat sūhbat berdı: – Bügın otbasymyz üşın aituly kün, äkem Köpjasar Närıbaev 85 jasqa tolar edı. Ol 1938 jyly 3 mausymda düniege kelgen. Bızdıŋ otbasymyz 1985 jyldan berı osy üide tūrady, köptegen jaǧymdy estelıkter onymen bailanysty, menıŋ jastyq şaǧym osynda öttı, men Lenin atyndaǧy Qazaq politehnikalyq institutynyŋ studentı bolyp, eŋbek jolymdy bastadym ... Men üşın äkem köp qyrly tūlǧa. Ömırde, eŋbekte ülgı , quanyş pen qiyndyqty qabyldaudyŋ ülgısı. Äkemnıŋ jūmysty ūiymdastyru deŋgeiı joǧary edı, onyŋ osy qasietıne täntı bolatynmyn... Äkem är adamǧa jeke közqaras qajet, oǧan muzykalyq aspap siiaqty ıltipatpen qaraitynyn, ony qalai baptaisyŋ, solai oinaitynyn aitatyn. Äkem qyzyqty äŋgımelesuşı edı. Keibır ıs-şaralarda men äkemmen bırge baratynmyn. Sol kezde söilegen sözderı men oryndaularyn yqylaspen tyŋdap, qyzyǧatynmyn. Onyŋ jeke kıtaphanasy boldy. Ol önerge, muzykaǧa qatty qūmar, kabinetınde ılulı tūrǧan dombyrany şertetın. Ol halyq muzykasyn jaqsy köretın, onyŋ plastinkalarynyŋ ülken jinaǧy bolǧan. Ol kıtaptardy jaqsy kördı, ünemı oqyp, köptıldı, köp janrly ülken kıtaphana jinady... Menıŋ jiı män beretınım, onyŋ şynaiy dos bola alatyny. Dostary onşa köp emes edı, bıraq sol dostarymen quanyşta da, qiyn sätte de bırge bolatyn, qonaqqa kelgende de dastarhan basynda qazaqşa, orysşa än aitatyn... Äkem öleŋ jazatyndardyŋ qatarynan edı. 1986 jyly Jeltoqsan oqiǧasy kezınde de äkem zardap şekken edı. Ol sol kezde Qazaqstannyŋ joǧary jäne orta arnauly bılım ministrı bolyp, Mäskeudıŋ nūsqauymen köptegen naǧyz patriottar, öz salasyna köp jaqsylyq jasaǧan basşylar qyzmetınen bosatyldy, onyŋ ışınde äkem de bar edı.
