NATO-nyń bas hatshysy Iens Stoltenberg Shveııada musylmandardyń qasıetti kitaby órtelgenine baılanysty pikir bildirdi. Ol elde Qurandy órteýge zań boıynsha tyıym salynbaǵanyn málimdedi, dep habarlaıdy «Adyrna» tilshisi.
«Men bul oqıǵa týdyrǵan sezimder men emoııanyń tereńdigin túsinemin. Dese de,
qorlaıtyn jáne aıyptaýǵa jatatyn áreketter zaıyrly zań júıesinde mindetti túrde zańsyz bolyp tabylmaıdy. Zań boıynsha tyıym salynbaǵan. Shveııadaǵy Túrkııaǵa jáne NATO-ǵa qarsy narazylyqty da kórdik. Munyń bári maǵan unamaıdy. Adamdardyń kelispeý quqyǵyn qorǵaıtyn bolamyn. Sebebi bul — óz oıyn jetkizý erkindigi»,—dedi ol.
Eske salaıyq, Shveııa polıııasy 28 maýsymda musylmandardyń Qurban aıt merekesiniń birinshi kúni Stokgolmdegi meshittiń syrtynda Qurandy órtep jiberýge ruqsat bergen edi. El astanasynda qasıetti kitap osymen ekinshi ret órteldi.
Qazirgi tańda Shveııanyń NATO músheligine ótý máselesi qarastyrylyp jatyr. Buǵan Túrkııa qarsy bolyp otyr. Óıtkeni qańtar aıynda danııalyq Rasmýs Palýdan Stokgolmdegi Túrik elshiliginiń aldynda Qurandy órtep, túrikterdiń qarsylyǵyn kúsheıtken edi.
