Qazaq halqynyń ulttyq oıyndaryn dáripteý - qazaq tarıhyndaǵy eń mańyzdy qundylyqtardy jańǵyrtý men saqtaýdyń mańyzdy bóligi. Osy maqsatta kóneniń kózin kórgen ardagerler arasynda toǵyzqumalaqtan chempıonatqa irikteý sharasy ótti.
Jarysqa Almaty oblysynyń segiz aýdanynan 40 jastan asqan, 50 jastan asqan, 60 jastan asqan jáne 70 jastan asqan tórt toptaǵy ulttyq qazaq oıynynyń jankúıerleri qatysty, dep habarlaıdy Almaty oblysy dene shynyqtyrý jáne sport basqarmasynyń baspasóz qyzmeti.
Toǵyzqumalaq túrleriniń biri - "Klassıka". Jeke esepte olar osy jas sanatynda Aqtóbe oblysynda 21 tamyzda bastalatyn Qazaqstan Respýblıkasynyń chempıonatyna irikteýden ótti.
Oınaǵan partııalardyń nátıjesinde erler arasynda 70 jáne odan joǵary jastaǵy jeńimpazdar qatarynda Rodıonov Vıtalıı boldy. Áıelder arasynda Berenbaeva Raıhan jeńiske jetti. Olar Ile aýdanynan qatysty.
60 jastan asqan jas sanatynda úzdik nátıjelerdi Ázimjanov Bazarbaı (Qarasaı aýdany) jáne Musaeva Qulsın (Kegen aýdany) kórsetti.
Erler arasynda 50 jastan asqan sanatta Kenjebek Álnazarov, al áıelder arasynda Gúlnarııam Abdýgapova jeńiske jetti. Eki oıynshy da Qarasaı aýdanynan.
40 jastan asqan kishi topta Qarasaı aýdanynyń ókili Boqanov Ǵabıt taǵy da erekshelendi. Osy jastaǵy áıelder arasynda Talǵar aýdanynan kelgen Avdıl Baqtygúl úzdik oıyn kórsetti.
Uıymdastyrýshylar: Almaty oblysynyń dene shynyqtyrý jáne sport basqarmasy, Almaty oblystyq sporttyq-buqaralyq is-sharalardy ótkizý ortalyǵy, Almaty oblysynyń toǵyzqumalaq federaııasy.
