Almaty oblysyndaǵy Kegen aýdanynda Qazaqstan Respýblıkasynyń Memlekettik rámizderi kúni keń kólemde atalyp ótildi.
Atap aıtar bolsaq, merekelik shara aýdan ortalyǵy Kegen aýylynda «Meniń týym-meniń maqtanyshym» atty kólikter sherýimen bastaldy.
Elimizdiń kók baıraǵyn qolyna ustap, kólikpen jeleýletken azamattar jalpy sany 11 kólikpen sherýletip, aımaqty dúbirge bóledi.
Artynsha, ortalyq alańda dúıim jurttyń qatysýymen bir ýaqytta memlekettik Ánuran oryndalyp, arty saltanatty sharaǵa uıymdastyryldy.
Sharada aýdandyq máslıhattyń tóraǵasy Almasbek Nuǵman aýdan jurtshylyǵyn quttyqtady.
«Rámizder- táýelsiz eldiń boıtumary.
Ulttyq rýhtyń aıbary, egemen eldiń aıdary, taǵylymdy tarıhtan syr sherter memlekettiń aıshyqty tańbasy da osylar. Rámizderge degen qurmet – azamattardyń el bolashaǵyna degen seniminiń jáne patrıottyq sezimderiniń ólshemi. Táýelsizdigimizdiń tumaryna aınalǵan memlekettik rámizderimiz tuǵyrynan túspesin. Kók týymyz kókte máńgi jelbireı bersin!»,-dedi Kegen aýdandyq máslıhattyń tóraǵasy Almasbek Nuǵman.
Merekeni toılaýǵa arnalǵan shara sońy, konertke ulasty.
