Memleket basshysy Qasym-Jomart Toqaev barsha qazaqstandyqty Qurban aıt meıramymen quttyqtady, dep habarlaıdy «Adyrna» tilshisi.
«Qadirli otandastar! Sizderdi Qurban aıt merekesimen shyn júrekten quttyqtaımyn!
Bul – Islamnyń taǵylymy mol dinı dástúri. Qurban aıt adamdardy meıirimdi, adal, janashyr bolýǵa, adamzattyń bárine qurmetpen qaraýǵa úndeıdi. Osy qundylyqtar ulttyń rýhanı órleýine, qoǵamda jaýapkershilik pen ádildik qaǵıdattaryn ornyqtyrýǵa yqpal etedi.
Aıt kúnderi musylman qaýym bir-birin quttyqtap, jaqyndaryna amandyq pen jaqsylyq tileıdi. Shynaıy kóńilmen muqtaj jandarǵa járdemdesedi. Munyń bári jurtshylyqty jaqyndastyryp, elimizdegi jalpyulttyq birlikti, beıbitshilikti jáne kelisimdi nyǵaıta túsedi.
Meıirimdilik, ımandylyq, qaıyrymdylyq – halqymyzǵa tán izgi qasıetter. Ulyq merekeniń ulaǵaty jurtymyzdyń tabıǵatyna etene jaqyn. Sondyqtan bul meıram ulttyq salt-dástúrimizben bite qaınasyp, birge jasap keledi.
Barshańyzdyń duǵa-tilekterińiz qabyl bolsyn! Aıttan aıtqa aman-esen jete bereıik!»—dedi prezıdent.
Aıta keteıik, bıyl Qurban shalýdyń ýaqyty 28 maýsym kúni aıt namazy oqylyp bolǵannan keıin bastalyp, 30 maýsym keshki aqsham namazyna deıin jalǵasady.
