Prezident Qasym-Jomart Toqaevtyŋ ökımımen Qazaqstan Respublikasy qorǧanys ministrlıgındegı ısterdıŋ jai-küiıne keşendı tekseru jürgızu jönındegı arnaiy komissiia qūryldy, dep habarlaidy "Adyrna" tılşısı.
Būl turaly Aqorda habarlady.
Komissiia qorǧanys ministrlıgınıŋ qazırgı qyzmetıne keşendı tekseru jürgızedı.
"Qazaqstan Respublikasynyŋ Qorǧanys ministrlıgındegı ısterdıŋ jai-küiıne, onyŋ ışınde äskeri qūrylymdardy qarjylyq jäne materialdyq-tehnikalyq qamtamasyz etu salasyndaǧy jaǧdaiǧa keşendı tekseru jürgızu maqsatynda:
1. Qazaqstan Respublikasynyŋ Qorǧanys ministrlıgındegı ısterdıŋ jai-küiıne keşendı tekseru jürgızu jönındegı komissiia (būdan ärı – Komissiia) myna qūramda qūrylsyn:
Balaeva Aida Ǧalymqyzy – Qazaqstan Respublikasy Qauıpsızdık Keŋesı Töraǧasynyŋ orynbasary, Komissiia töraǧasy;
Smaiylov Älihan Ashanūly – Qazaqstan Respublikasy Joǧary auditorlyq palatasynyŋ töraǧasy, Komissiia töraǧasynyŋ orynbasary;
Jienbaev Erjan Nūrlanūly – Qazaqstan Respublikasy Prezidentı Äkımşılıgı Basşysynyŋ orynbasary;
Elimanov Janat Qaldybekūly – Qazaqstan Respublikasy Qarjylyq monitoring agenttıgınıŋ töraǧasy;
Baimūqaşev Mūrat Qalibekūly – Qazaqstan Respublikasy Qauıpsızdık Keŋesı Apparatynyŋ Basşysy;
Täkiev Mädi Tökeşūly – Qazaqstan Respublikasynyŋ Qarjy ministrı;
Ömıräliev Jandos Jänıbekūly – Qazaqstan Respublikasy Bas Prokurorynyŋ bırınşı orynbasary;
Altynbaev Äli Saparǧaliūly – Qazaqstan Respublikasy Ūlttyq qauıpsızdık komitetı Töraǧasynyŋ bırınşı orynbasary;
Ämrin Azamat Kemeŋgerūly – Qazaqstan Respublikasynyŋ Ūlttyq ekonomika bırınşı vise-ministrı.
2. Komissiia jürgızılgen jūmystyŋ alǧaşqy nätijelerı turaly jetı kün ışınde baiandasyn.
3. Osy Ökım qol qoiylǧan künınen bastap qoldanysqa engızıledı", - delıngen resmi habarlamada.
Būǧan deiın Maŋǧystau oblysynda äskeri oqu-jattyǧu kezınde oqu-jauyngerlık mındetterdı oryndau barysynda äskeri qyzmetşıler qaza bolǧan edı.
Oqiǧadan keiın qorǧanys ministrı Däuren Qosanov qaza tapqan äskeri qyzmetşılerdıŋ otbasylaryna baryp, tuǧan-tuystary men jaqyndaryna köŋıl aitty.
Qaiǧyly jaǧdaiǧa bailanysty tergeu amaldary jürgızılıp, äskeri qyzmetşılerdıŋ qaza bolu sebepterı men oqiǧanyŋ män-jaiy anyqtalyp jatyr.
