Premer-ministr Älihan Smaiylovtyŋ töraǧalyǧymen ötken Ükımet otyrysynda biylǧy 1 şıldeden bastap qoldanysqa enetın jaŋa Äleumettık kodekstıŋ normalaryn ıske asyru mäselelerı qaraldy, dep habarlaidy «Adyrna» tılşısı.
Premer-Ministrdıŋ aituynşa, jaŋa Kodekste ūsynylyp otyrǧan şaralar äleumettık qorǧau jüiesın halyqaralyq standarttarǧa sai qaita retke keltıruge mümkındık beredı.
«Äleumettık qorǧau jäne zeinetaqymen qamtamasyz etu salasy boiynşa barlyq zaŋnama bır jüiege keltırıldı. Äleumettık kodekste küşı joiylǧan 10 zaŋnyŋ negızgı normalary saqtaldy. Sonymen qatar bırqatar jaŋa ereje qarastyrylǧan. Olardyŋ barlyǧy halyqtyŋ ömır süru sapasyn arttyruǧa baǧyttalǧan», — dedı ol.Ükımet basşysy Kodekstıŋ maŋyzdy jaŋalyǧynyŋ bırı zeinetaqyny kezeŋ-kezeŋmen arttyru ekenın atap öttı. Mäselen, biylǧy 1 qaŋtardan bastap 2027 jylǧa deiın bazalyq zeinetaqy mölşerı orta eseppen 51%-ǧa ösetın bolady. Iаǧni, 2 mln-nan astam zeinetker osy qoldau şaralarymen qamtylmaq. Jalpy qabyldanyp jatqan şaralar 2025 jylǧa qarai jiyntyq zeinetaqyny orta eseppen 27%-ǧa arttyruǧa mümkındık beredı. Sonymen qatar Premer-Ministr endı azamattar özderınıŋ zeinetaqy aktivterınıŋ 50%-yn senımgerlık basqaruǧa beruge qūqyly ekenın aitty. Jinaqtardyŋ qalǧan bölıgı Bıryŋǧai jinaqtauşy zeinetaqy qorynda qalady.
«1 şıldeden bastap memlekettık äleumettık järdemaqy taǧy 14,5%-ǧa ūlǧaiady. Jalpy ösım 23%-dy qūraidy. Mügedektık medisinalyq mekemelerge mındettı türde barmai-aq jäne rastau almai-aq, proaktivtı türde belgılenetın bolady. Qorytyndyny täjıribelı därıgerlerden qūralǧan täuelsız sarapşylar beredı», - dedı Älihan Smaiylov.Oǧan qosa balaly otbasylardy qoldau üşın Altyn alqa, «Ana daŋqy» jäne «Batyr Ana» nagradalarymen marapattalǧan analarǧa tölenetın järdemaqy mölşerı saralandy. Elımız boiynşa 90 myŋǧa juyq ana joǧary järdemaqy alady. Qorytyndylai kele, Ükımet basşysy järdemaqylardy arttyrudy, olardyŋ uaqytyly ärı tolyq kölemde taǧaiyndaluyn qamtamasyz etu qajettıgın aitty.
Ūqsas jaŋalyqtar
