Shıryqqan jaǵdaıǵa Lýkashenkonyń aralasqany aıtylady. Pýtınniń baspasóz hatshysyPeskovtyń sózine sensek, Lýkashenshonyń ózi Prıgojınmen 20 jyldaı arlas-quralastyǵy baryn aıtyp, kelissóz júrgizýdi usynǵan.
"Aleksandr Grıgorevıch [Lýkashenko] Prıgojınmen burynnan tanys, bul onyń jeke usynysy boldy. Biz osy iske at salysqan ol kisige razymyz", - dep málimdedi Reseı Federaııasy Prezıdentiniń baspasóz hatshysy Dmıtrıı Peskov.
Prıgojınniń ózi keshe shala búlinip, taban astynda tosyn málimdeme jasaǵan edi. Prıgojın aýdıohabarlama arqyly:
"Biz kúni boıy júrdik. Máskeýge 200 shaqyrym ǵana qalǵan. Osy ýaqytqa deıin sarbazdarymyzdyń qany tógilmedi. Qazir qan tógilýi múmkin. Sondaı sát týdy. Sondyqtan barlyq jaýapkershilikti túsine otyryp, orystardyń qany tógilýi múmkin ekenin eskere otyryp, biz óz jasaǵymyzdyń baǵytyn keri buramyz. Josparǵa saı dala lagerine taban tireımiz", - degen-tuǵyn.
Prıgojındi jazalaýǵa kelgende Pýtın qulyqsyzdyq tanytqandaı. Keshe Otanyna opasyzdyq jasady dep aıyptasa, búgin "joqtaýyn asyrýdy" maqsat etken. Peskov Pýtınniń mundaı asqan "salqynqandylyǵy" jaıynda da óz etti. Ol Reseı basshysynyń jaqyn ýaqytta úndeý jasaı qoımaıtynyn, al búlik oqıǵasynyń "arnaıy operaııaǵa" esh áser etpeıtinin atap ótti. Jýrnalısterge Prıgojınniń "keleshektegi bet alar baǵytyn" aıqyndap berdi.
Prıgojınniń jańa baǵyty Máskeý emes, Mınsk.
Baspasóz hatshysynyń aıtýynsha, Prıgojınge qatysty qylmystyq is toqtatylyp, ózi Belarýske barady. Kóteriliske qatysqan sarbazdardyń basqynshylyq kezindegi eńbegi eskerilip, soǵan saı qýdalanbaıdy, al kolonnaǵa qosylmaǵan jaýyngerlerdiń bir bóligi Qorǵanys mınıstrligimen kelisimsharttarǵa qol qoıady.
Jınaqtaı aıtsaq, 24 maýsymda Belarýs Prezıdenti Aleksandr Lýkashenkonyń "Vagner" kollonasyn toqtatý úshin Prıgojındi kóndirgeni málim boldy. Kelissiózdiń kúni boıy júrgizilgeni aıtylady. Keshqurym reseılik aqparat agenttikteri "Vagner" jasaǵy jaýyngerleri Rostovtaǵy Ońtústik áskerı okrýgtiń shtab-páterin tastap kete bastaǵanyn rastady.
"Adyrna" ulttyq portaly
